Ráðgjafi í mannauðslausnum

Mannauðslausnir Advania leita að jákvæðum og þjónustulunduðum einstaklingi með reynslu á sviði launamála til að sinna starfi ráðgjafa í mannauðslausnum.

Mannauðslausnir Advania þróa og þjónusta lausnir sem hjálpa vinnuveitendum að auka árangur og ánægju starfsfólks og stjórnenda. Hjá okkur starfar öflugur hópur sérfræðinga með áratuga reynslu af þróun og ráðgjöf á sviði launa- og mannauðsmála m.a. H3 launa- og mannauðskerfið og tímaskráningarkerfin Bakvörð og Vinnustund.

Við leggjum metnað í að veita framúrskarandi þjónustu og ráðgjöf til allra þeirra sem nota lausnirnar okkar.

Teymið

Í ráðgjafateymi mannauðslausna eru sérfræðingar sem hafa starfað sem launafulltrúar og mannauðsstjórar og hafa mikla reynslu af verkefnum tengdum launavinnslum, verkbókhaldi, ráðningum, jafnlaunavottunum og öðrum mannauðstengdum málum

Starfssvið

Starfið felur í sér ráðgjöf og þjónustu við launafulltrúa og mannauðsfólk, innleiðingu á launa- og mannauðskerfum og umbótaverkefnum hjá viðskiptavinum. Auk þess að sinna tilfallandi verkefnum tengdum launavinnslu fyrir viðskiptavini Advania.

Almennar hæfniskröfur

• Góð hæfni í mannlegum samskiptum
• Skipulagshæfni og sjálfstæði í vinnubrögðum
• Nákvæm og öguð vinnubrögð
• Góð almenn tölvukunnátta

Þekking og reynsla

• Reynsla af launavinnslu er skilyrði
• Reynsla af H3 er kostur
• Reynsla af Bakverði er kostur
• Góð greiningarhæfni
• Góð færni í Excel

Ef þú hefur áhuga á starfinu en uppfyllir ekki allar kröfur þá hvetjum við þig samt sem áður til þess að sækja um, þú gætir einmitt verið einstaklingurinn sem við leitum að í þetta eða annað starf.