Advania

Hjá Advania á Íslandi starfa um 600 sérfræðingar við að einfalda störf viðskiptavina okkar með snjallri nýtingu á upplýsingatækni. Þó við séum sérfræðingar í tækni viljum við veita framúrskarandi þjónustu. Við hlúum að fólkinu okkar og hjálpumst að við að skapa lifandi vinnustað. Advania á Íslandi er hluti af Advania-samstæðunni sem er meðal umsvifamestu upplýsingatæknifyrirtækja á Norðurlöndum. Samstæðan er með 25 starfsstöðvar í Noregi, Svíþjóð, Danmörku, Finnlandi, Bretlandi og Íslandi. Hjá henni starfa um 3500 sérfræðingar í upplýsingatækni.

Vinnustaðurinn

Ráðgjafi í Business Central

Starfssvið

Við ætlum að bæta við okkur metnaðarfullum og þjónustuliprum einstaklingum til að sinna sérfræðiráðgjöf til viðskiptavina ásamt því að veita þeim þjónustu fyrir Business Central. Jafnframt koma ráðgjafar að innleiðingar- og uppfærsluverkefnum.

Við bjóðum upp á vinnuaðstöðu eins og hún gerist best, áhugaverð verkefni og frábæran vinnuanda. Endilega sendu okkur umsókn ef þú telur að við eigum samleið.

Almennar hæfniskröfur

Háskólamenntun sem nýtist í starfi, t.d. viðskiptafræði eða lokið námi sem viðurkenndur bókari
Góðir skipulagseiginleikar, frumkvæði og sjálfstæði í vinnubrögðum
Jákvæðni, þjónustulund og mikil hæfni í mannlegum samskiptum

Þekking og reynsla

Reynsla og góð þekking á fjárhagskerfum er kostur, þá sér í lagi ef viðkomandi hefur unnið með Business Central / Dynamics NAV
Reynsla af sambærilegu starfi er mikill kostur
Æskilegt er að viðkomandi hafi góða tækniþekkingu og getu til að setja sig inn í ný kerfi
Kostur að vera með reynslu úr fjármála- eða bókhaldsvinnu (t.d. bókari, fjármálastjóri...)

Aðrar upplýsingar

Vinnustaðurinn er fjölskylduvænn, lifandi og skemmtilegur. Áherslan á að vera einn besti vinnustaður landsins kemur best fram í vinnustaðagreiningum sem hafa sýnt mikla ánægju starfsfólks um árabil. Advania hefur markað sér fjarvinnustefnu og stendur starfsfólki til boða að vinna að hluta til í fjarvinnu. Í höfuðstöðvum okkar í Guðrúnartúni er svo boðið upp á mat í glæsilegu mötuneyti, góða líkamsræktaraðstöðu og leikherbergi - bæði fyrir starfsfólk og stuttfætta gesti.

Advania hefur markað sér bæði jafnréttisstefnu og sjálfbærnistefnu. Við leggjum mikla áherslu á fjölbreytileika og jafnrétti og hlaut Advania jafnlaunavottun árið 2018 fyrst íslenskra upplýsingatæknifyrirtækja. Einnig fylgjumst við grannt með okkar kolefnisspori, aðfangakeðju og áhrifum okkar á samfélagið og setjum okkur háleit markmið um úrbætur.

Ef þú leitar að spennandi verkefnum, góðu vinnuumhverfi og hressu samstarfsfólki, þá finnurðu það hjá okkur. Gildi Advania eru snerpa, ástríða og hæfni.

Ferli ráðninga

Tekið á móti umsóknum til 31. maí 2023
Yfirferð umsókna
Boðað í fyrstu viðtöl
Boðað í seinni viðtöl
Verkefni eða próf lögð fyrir ef við á
Öflun umsagna / meðmæla
Ákvörðun um ráðningu
Öllum umsóknum svarað

Starfsmenn mannauðssviðs ásamt deildarstjóra, forstöðumanni og framkvæmdastjóra þess sviðs sem starfið tilheyrir hafa aðgang að þeim umsóknum sem berast. Farið er með allar umsóknir sem trúnaðarmál.

Nánari upplýsingar

Nánari upplýsingar veitir Hugi Freyr Einarsson, forstöðumaður Business Central - hugi.freyr.einarsson@advania.is / 440 9000

Auglýsing stofnuð17. maí 2023

Umsóknarfrestur31. maí 2023

Starfstegund

Staðsetning

Guðrúnartún 10, 105 Reykjavík

Hæfni