InfoMentor Ehf.

Mentor og Karellen eru leiðandi skólakerfi í grunn- og leikskólum á Íslandi. Hjá fyrirtækinu starfar hópur fólks með fjölbreyttan bakgrunn. Mentor var stofnað árið 1990 sem Menn og Mýs en árið 2000 var fyrirtækinu skipt upp og nafninu breytt í Mentor. Í dag heitir bæði fyrirtækið og kerfið okkar InfoMentor sem er það vörumerki sem við notum á öllum mörkuðum. Frá upphafi hefur fyrirtækið unnið með skólum og er því með þrjátíu ára reynslu af rekstri og þróun náms- og upplýsingakerfa. Á þessum árum hefur orðið mikil þróun og kerfið er notað af skólum, sveitarfélögum og íþróttafélögum af milljónum notenda í fjórum löndum. Árið 2018 varð Karellen leikskólakerfið, sem stofnað var 1998 af Hjallastefnunni, hluti af InfoMentor en það leikskólakerfi er mest notaða leikskólakerfið á Íslandi.

Vinnustaðurinn

Ráðgjafi hjá InfoMentor

Við leitum að drífandi einstaklingi til að sinna ráðgjöf til viðskiptavina fyrir bæði InfoMentor og Karellen kerfin. Starfið felur í sér mikil samskipti við viðskiptavini í gegnum þjónustuver og námskeiðshald. Það er kostur að þekkja annað eða bæði kerfin sem og að þekkja íslenskt skólaumhverfi.

Viðkomandi þarf að vera með góða samskiptahæfni, vera nákvæmur, skipulagður og tilbúinn að vinna í teymi.

Helstu verkefni og ábyrgð

Þjónusta við viðskiptavini í gegnum símsvörun og rafræn samskipti.

Kennsla á námskeiðum og gerð leiðbeininga.

Sala og kynningar til núverandi og nýrra viðskiptavina.

Prófanir á nýjungum í kerfunum.

Önnur tilfallandi störf innan eðlilegs starfssviðs og gott tækifæri til að þróast í starfi.

Menntunar- og hæfniskröfur

Menntun sem nýtist í starfi, t.d. kennslufræði, tæknimenntun eða önnur háskólamenntun.

Þekking og reynsla af InfoMentor og Karellen kerfunum er kostur.

Framúrskarandi hæfni í samskiptum og rík þjónustulund.

Góð kunnátta og góð hæfni í að tileinka sér helstu tækninýjungar og kerfi sem nýtast í starfi.

Mjög góð greiningarhæfni og lausnamiðuð hugsun.

Skipulagshæfileikar, nákvæmni og hæfni til að vinna í teymi.

Góð íslensku- og enskukunnátta, bæði í rituðu og töluðu máli.

InfoMentor er leiðandi fyrirtæki í þróun lausna fyrir skólakerfi og starfar á alþjóðlegum vettvangi. Hjá InfoMentor starfar reynslumikið teymi sem vinnur náið saman en rík áhersla er lögð á samvinnu starfsmanna. Vinnuaðstaða og starfsumhverfi er mjög gott. Starfsmenn leggja metnað í að veita góða þjónustu og fylgjast með helstu nýjungum í skólaumhverfinu. Fyrirtækið býður upp á fjarvinnu að hluta.

InfoMentor starfrækir skrifstofur á Íslandi, þar sem eru fimm starfsmenn sem sinna m.a. þjónustu, sölu og þróun. Höfuðstöðvarnar eru í Kristianstad í Svíþjóð þar sem starfa 14 manns og loks er þróunardeild InfoMentor starfrækt í Exeter í Englandi þar sem starfa 13 manns.

Sótt er um starfið á www.vinnvinn.is

Umsókn skal fylgja ferilskrá og ítarlegt kynningarbréf þar sem gerð er grein fyrir ástæðu umsóknar og rökstuðningur um hæfni viðkomandi til að gegna starfinu.

Nánari upplýsingar veita Margrét Stefánsdóttir, margret@vinnvinn.is og Jensína K. Böðvarsdóttir, jensina@vinnvinn.is hjá Vinnvinn.

Auglýsing stofnuð6. febrúar 2023

Umsóknarfrestur22. febrúar 2023

Starfstegund

Staðsetning

Höfðabakki 9, 110 Reykjavík

Starfsgreinar

Starfsmerkingar

Sambærileg störf (12)