Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Ráðgjafar/ stuðningsfulltrúar á öryggis- og réttargeðdeild

Við viljum ráða til starfa öfluga liðsmenn á öryggis- og réttargeðdeild Landspítala. Starfshlutfall er 80-100%, unnið er í vaktavinnu og eru störfin laus frá 1. mars.2025 eða eftir samkomulagi.

Öryggisgeðdeildin er átta rúma og sinnir sérhæfðri meðferð og endurhæfingu sjúklinga með alvarlegar geðraskanir. Réttargeðdeildin er 8 rúma deild sem veitir sérhæfða meðferð og umönnun einstaklinga sem hafa verið dæmdir ósakhæfir samkvæmt 15.gr hegningarlaga.

Meðferðarnálgun deildanna er fjölþætt og ræðst af þörfum og getu hvers og eins sjúklings. Meginmarkmið meðferðarinnar er að sjúklingar fái þá meðferð og endurhæfingu sem er nauðsynleg til þess að þeir geti komist aftur út í samfélagið.

Vinnuvika starfsfólks er 36 stundir sem geta orðið færri eftir samsetningu vakta hjá vaktavinnufólki. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.

Menntunar- og hæfniskröfur

Góð samstarfshæfni og framúrskarandi færni í samskiptum

Viðbótarmenntun sem nýtist í starfi eða reynsla af vinnu með einstaklingum með geðrænan vanda er æskilegt

Jákvætt hugarfar, metnaður og áhugi á að starfa í þverfaglegu teymi

Áhugi á starfi með fólki með geðræna sjúkdóma

Góð almenn tölvukunnátta

Góð íslenskukunnátta bæði í mæltu og rituðu máli er æskileg

Helstu verkefni og ábyrgð

Stuðlar að öryggi sjúklinga og starfsfólks með því að framfylgja verklagi og vera virkur þátttakandi í varnarteymiverkefnum

Virk þátttaka í hjúkrun og meðferð inniliggjandi sjúklinga

Styður sjúkling til daglegrar virkni, framfylgir meðferðasamningum og hjúkrunaráætlunum

Þátttaka í þverfaglegu samstarfi

Hefur umsjón með ýmsum störfum sem snúa að daglegum rekstri deildar

Þátttaka í umbótastarfi og þróun þjónustunnar

Stuðlar að góðum starfsanda

Starfshlutfall: 80-100%

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, ráðgjafi/ stuðningsfulltrúi, starfsmaður, almenn störf,

Tungumálahæfni: íslenska 4/5

Nánari upplýsingar

Eyrún Thorstensen, [email protected],

Réttargeðdeild

v/Kleppsgarð 3

104 Reykjavík

Auglýsing birt27. janúar 2025

Umsóknarfrestur10. febrúar 2025

Tungumálahæfni

Íslenska

Nauðsyn

Mjög góð

Staðsetning

Kleppsgarðar, 104 Reykjavík

Starfstegund

Starfsgreinar

Starfsmerkingar

Fleiri störf (50)