Laus störf Hæfnileit Vinnustaðir Námskeið

ARTPRO Prentþjónusta

ARTPRO er framsækið prentþjónustufyrirtæki með fyrsta flokks tækjabúnað til nútíma forvinnslu og prentunar. Við erum til húsa að Bíldshöfða 14 í Reykjavík. Við erum mjög metnaðarfullt fyrirtæki með frábæran hóp viðskiptavina sem gerir okkar vinnu mjög líflega og skemmtilega.

Vinnustaðurinn

Prentþjónusta - Þjónustustjóri

Leitum að fjölhæfum einstaklingi til starfa sem þjónustustjóra í fyrirtækjaþjónustu okkar, við stafræna prentun og önnur almenn störf hjá ARTPRO Prentþjónustu. Fjölbreytt og spennandi starf hjá prentþjónustufyrirtæki með öflugum tækjabúnaði á góðum stað að Bíldshöfða 14 í Reykjavík.

Við erum lítið fyrirtæki og þjónustum góða og skemmtilega viðskiptavini okkar.

Við leggjum mikið upp úr því að vera jákvæð, lífleg og skemmtileg til að hafa sem mest gaman af okkar starfi.

Menntunar- og hæfniskröfur

Starfsreynsla úr prentiðnaði eða sambærilegum störfum er mjög mikill kostur.

Mjög góð tölvukunnátta er algjört skilyrði.

Góð aðlögunarhæfni til að vinna sjálfstætt, skipulega og lausnamiðað.

Metnaðarfullur fjölhæfur og laginn einstaklingur með gott verkvit og lausnamiðaða kunnáttu.

Lipur þjónustulund og góð mannleg samskipti eru mjög mikilvæg.

Reynsla af vinnslu prentskjala í Adobe forritum er mikill kostur.

Íslenskukunnátta er nauðsynleg.

Reynsla og kunnátta við notkun á DK Hugbúnaði er mikill kostur.

Við erum lítið fyrirtæki með 3 starfsmenn og því er mikilvægt að allir geti leyst verkefnin okkar alla leið. Þetta gerir starfið líka fjölbreytt og skemmtilegt.

Helstu verkefni og ábyrgð

Þjónusta og samskipti við viðskiptavini fyrirtækisins sem eru nær eingöngu fyrirtæki.

Móttaka, úrvinnsla og framleiðsla verkefna.

Daglegt verkskipulag, verkstjórn og skipulag í okkar þjónustu og framleiðslu.

Stafræn prentun, frágangur og eftirvinnsla, sem og önnur störf tengd okkar framleiðslu og þjónustu.

Teikningaprentun. Þjónusta og framleiðsla tengd teikningum í byggingaiðnaði.

Hönnun, umbrot og forvinnsla prentskjala, sem fer nær eingöngu fram í ADOBE forritum.

Sala og tilboðsgerð til viðskiptavina og útskrift reikninga í gegnum DK hugbúnað.

Um er að ræða framtíðarstarf og vinnutíminn er að jafnaði frá 9-16 virka daga.
Nánari upplýsingar um starfið veitir Guðni Þorbjörnsson framkvæmdastjóri ARTPRO á [email protected]

Farið er með allar umsóknir og fyrirspurnir sem 100% trúnaðarmál.

Auglýsing birt4. september 2022

UmsóknarfresturEnginn

Tungumálahæfni