Óskum eftir sölu- og þjónustufulltrúa!

Hæ!

Við leitum að öflugum sölu- og þjónustufulltrúa í verslun Hringdu. Um er að ræða 100% starf og er aldurstakmark 20 ár.

Starfið

Í starfinu felst að aðstoða viðskiptavini Hringdu með allt sem tengist okkar vörum og þjónustu, á mannamáli. Þú ert andlit fyrirtækisins, geislar af jákvæðni, hugsar í lausnum, elskar mannleg samskipti og vilt umfram allt veita frábæra þjónustu!

Hvað ertu að fara gera?

• Afgreiða pantanir og breytingar í síma, verslun og á netinu
• Aðstoða viðskiptavini með reikninga og einföld tæknileg mál
• Eiga samskipti við okkar helstu birgja
• Tækla ýmis önnur verkefni sem koma upp á
  
  

Hæfniskröfur

• Stúdentspróf, reynsla sem nýtist eða mikill áhugi á starfinu!
• Metnaður, frumkvæði og sjálfstæði í vinnubrögðum
• Góðir samskiptahæfileikar og mikil þjónustulund
• Góð íslensku- og enskukunnátta

Ef þér líst vel á okkur og starfið hvetjum við þig til að sækja um!

Um Hringdu

Hringdu er lítið en ört vaxandi fjarskiptafyrirtæki þar sem hæfileikaríkir einstaklingar geta unnið sig upp í starfi. Hér vinna fáar hendur mörg og mismunandi verk og er því starfið fjölbreytt, reynslumikið og ríkt af ábyrgð. Við fáum sendan mat í vinnuna fimm daga vikunnar en drögum fram grillið við góð tækifæri. Starfsmannafélagið Svaraðu sér fyrir góðu skemmtanalífi og hér elska allir kaffi, ketti/hunda & foosball.

Hringdu hefur hlotið viðurkenningu sem Fyrirmyndafyrirtæki VR árin 2017, 2018, 2019 og 2023 og sem Fyrirtæki ársins 2020, 2021, 2022, 2023 og 2024.

Ánægðustu viðskiptavinir í net- og símaþjónustu eru hjá Hringdu 2019-2024 samkvæmt Meðmælingu Maskínu.