Laus störf Hæfnileit Vinnustaðir Námskeið

Álfatún

Leikskólinn Álfatún er 5 deilda leikskóli en það dvelja um 85 börn. Leikskólinn er staðsettur í skjólsælum reit austast í Fossvogsdalnum og er í beinum tengslum við útivistarsvæðin í dalnum. Okkar stoðir byggja á útiveru, þar sem við njótum þess að fylgjast með breytingum á náttúrunni, fara út fyrir garðinn, leika okkur í náttúrulegu umhverfi og lenda í ævintýrum. Í leikskólanum Álfatúni er mikil áhersla lögð á málörvun, hreyfingu og skapandi starf. Einnig er lögð áhersla á samskipti og þess að njóta samvista með öðrum, að gefa börnum færi á að tjá hugsanir og hugmyndir eftir fjölbreyttum leiðum og styrkja sjálfsmynd þeirra. Við viljum að traust, umhyggja og jákvæðni einkenni samskipti á milli allra sem að leikskólanum koma.

Vinnustaðurinn

Óskum eftir leikskólakennara

Leikskólinn Álfatún óskar eftir að ráða leikskólakennara
Leikskólinn Álfatún er 5 deilda leikskóli á besta stað í Fossvoginum. Í leikskólanum eru 79 börn á aldrinum 1 – 6 ára.

Við leitum að öflugum kennara sem fyrst eða eftir samkomulagi, ef ekki fæst leikskólakennari kemur til greina að ráða háskólamenntaðan einstakling, eða einstakling með reynslu af starfi með börnum.

Áherslur okkar eru málrækt, hreyfing, útivera og skapandi starf í gegnum leik. Áhugi okkar snýr að því að auka lýðræði, skapandi hugsun og menningu. Við leggjum áherslu á góðan starfsanda þar sem áhersla er lögð á liðsheild, umhyggju, jákvæð samskipti, gleði og lausnamiðaða hugsun.

Einkunnaorð leikskólans eru umhyggja, traust og jákvæðni.

Leikskólakennari starfar samkvæmt lögum og reglugerð um leikskóla, öðrum lögum er við eiga, aðalnámskrá leikskóla, kjarasamningum, mannauðs- og skólastefnu Kópavogsbæjar.

Nánari upplýsingar um leikskólann er hægt að finna á https://alfatun.kopavogur.is/

Helstu verkefni og ábyrgð

Vinnur að uppeldi og menntun barnanna.
Tekur þátt í gerð skólanámskrár, mati á starfsemi leikskólans og þróunarverkefnum undir stjórn leikskólastjóra.
Tekur þátt í skipulagningu faglegs starfs deildarinnar undir stjórn deildarstjóra.
Vinnur í samstarfi við foreldra/forráðamenn barnanna.
Sinnir þeim verkefnum er varða uppeldi og menntun barnanna sem yfirmaður felur honum.

Menntunar- og hæfniskröfur

Leikskólakennaramenntun eða önnur uppeldismenntun sem nýtist í starfi.
Góðir samskiptahæfileikar.
Áhugasamur einstaklingur.
Stundvísi og áreiðanleiki.
Gott vald á íslensku.
Reynsla af vinnu með börnum.

Fríðindi í starfi

Styttri vinnuvika, vinnustytting er að hluta til notuð í lokanir í jóla- páska- og vetrarfríum.
Starfsfólk Kópavogsbæjar fær frían aðgang að sundlaugum bæjarins.
Starfsfólk fær afslátt af leikskólagjöldum.

Ráðningartími og starfshlutfall:

Æskilegt er að viðkomandi geti hafið störf sem fyrst eða eftir samkomulagi.
Starfshlutfall 100%

Frekari upplýsingar:

Laun eru samkvæmt kjarasamningi Sambands íslenskra sveitarfélaga og viðeigandi stéttarfélags.

Þeir sem ráðnir eru til starfa í leikskólum Kópavogs þurfa að undirrita heimild til að afla upplýsinga úr sakaskrá og skrifa undir trúnaðaryfirlýsingu.

Umsóknarfrestur er til og með 4. febrúar 2026.

Tekið verður mið af jafnréttisstefnu Kópavogsbæjar við ráðningu í starfið.

Fyrirspurnir má senda á [email protected]

Tekið er við umsóknum í gegnum ráðningarvef Alfreðs.

Auglýsing birt21. janúar 2026

Umsóknarfrestur4. febrúar 2026

Tungumálahæfni