Öryggisstjóri upplýsingakerfa hjá Stafrænni heilsu, þróunar- og þjónustumiðstöð
Heilbrigðisráðuneytið leitar að framsýnum og lausnamiðuðum öryggisstjóra upplýsingakerfa (CISO) hjá Stafrænni heilsu, þjónustu- og þróunarmiðstöð frá 1. janúar 2026. Leitað er eftir einstaklingi sem er viljug/viljugur að berjast fyrir upplýsingaöryggi, getur leitt þróun og innleiðingu öryggisstefnu á skipulögðum og faglegum grunni.
Öryggisstjóri upplýsingakerfa mun leiða öryggismál í stafrænni heilbrigðisþjónustu og hafa yfirumsjón með leiðbeiningum á þessu sviði til aðila er veita heilbrigðisþjónustu.
Stafræn heilsa, þróunar- og þjónustumiðstöð er nýstofnuð sérstök eining innan heilbrigðisráðuneytis og er undir yfirstjórn ráðuneytisstjóra. Stafræn heilsa mun meðal annars leiða, samhæfa öll stafræn verkefni í heilbrigðisþjónustu, styðja við stafræna framþróun og tryggja yfirsýn.
- Mótun og innleiðing heildstæðrar öryggisstefnu og viðbragðsáætlana fyrir íslenskt heilbrigðiskerfi.
- Umsjón með áhættumati, áfallastjórnun og innri úttektum.
- Eftirlit með öryggismálum, netöryggi og verndun mikilvægra gagna.
- Samstarf við lykilbirgja, stjórnendur og hagsmunaaðila innan og utan stofnunar.
- Leiða öryggismenningu og efla vitund starfsfólks.
- Samstarf við önnur Evrópuríki á sviði slíkra öryggismála.
- Háskólamenntun sem nýtist í starfi skilyrði.
- Reynsla af öryggisstjórnun, áhættumati og mótun öryggisramma skilyrði.
- Mjög góð þekking á gagnaöryggi, persónuverndarlöggjöf (GDPR) og bestu starfsháttum í upplýsingatækni.
- Geta til að vinna náið með stjórnendum og leiða stefnumótun í öryggismálum.
- Þekking og reynsla á stöðlum í upplýsingaöryggi s.s. ISO27001/27799, NIST CSF og NIS2 eða sambærilegu
- Reynsla af samningagerð og stýringu samninga við birgja.
- Reynsla af stjórnun öryggisvöktunar (SOC/SIEM) og atvikastjórnun (incident response).
- Þekking á HL7/FHIR eða heilbrigðisupplýsingakerfum mikill kostur.
- Reynsla af stjórnun stórra stafræna umbreytingarverkefna.
- Mjög góð samskiptahæfni og hæfni í að fræða og leiða teymi.
- Mjög gott vald á íslensku og ensku í ræðu og riti
Íslenska
