Eimskip

Eimskip er alþjóðlegt flutningafyrirtæki sem sinnir gáma- og frystiflutningum í Norður-Atlantshafi og sérhæfir sig í flutningsmiðlun með áherslu á flutninga á frosinni og kældri vöru. Með siglingakerfi sínu tengir Eimskip saman Evrópu og Norður-Ameríku í gegnum Ísland. Félagið starfrækir 56 skrifstofur í 20 löndum og hefur á að skipa fjölbreyttum hópi starfsfólks en í heildina starfa um 1.700 manns af 43 þjóðernum hjá félaginu.

Vinnustaðurinn

Öryggis- og forvarnafulltrúi hjá Eimskip Austurlandi

Eimskip Austurlandi auglýsir eftir þjónustuliprum og drífandi einstaklingi í starf öryggis- og forvarnafulltrúa.

Öryggis- og forvarnafulltrúi ber ábyrgð á forvarnastarfi gegn slysum og tjónum í samvinnu við starfsstöðvar á Austurlandi og öryggis- og tjónadeild. Hann hefur einnig umsjón með greiningum slysa og tjóna og er hluti af fyrsta viðbragði við slysum og öðrum alvarlegum atburðum sem kunna að verða í starfssemi fyrirtækisins.

Starfið heyrir undir svæðisstjóra en megin starfsstöð er Mjóeyrarhöfn. Aðrar starfsstöðvar eru Höfn í Hornafirði, Djúpivogur, Reyðarfjörður, Neskaupstaður og Egilsstaðir.

Helstu verkefni og ábyrgð

Utanumhald um skráningu slysa
Þátttaka í forvarnateymi félagsins
Fræðsla, ráðgjöf og eftirlit vegna flutninga á hættulegum varningi
Fræðsla um öryggis- og forvarnamál
Greining og rannsóknir á frávikum og slysum
Áhættumat og innri úttektir á starfsstöðvum á Austurlandi
Náið samstarf við stjórnendateymi á Austurlandi
Önnur tilfallandi verkefni í samráði við svæðisstjóra

Menntunar- og hæfniskröfur

Háskólamenntun eða reynsla sem nýtist í starfi
Þekking eða reynsla af sambærilegum verkefnum er kostur
Gott vald á ritaðri og talaðri íslensku og ensku
Frumkvæði, öguð vinnubrögð og greiningarhæfni
Góðir samskiptahæfileikar og þjónustulund
Góð almenn tölvukunnátta

Fríðindi í starfi

Heitur matur í hádeginu, fjölbreytt verkefni og góður starfsandi í samhentu teymi.
Aðgangur að öflugu starfsmannafélagi sem m.a. rekur frábær orlofshús um allt land
Heilsu- og hamingjupakki sem inniheldur samgöngustyrk og styrki fyrir líkamsrækt, sálfræðiþjónustu og fleira.

Nánari upplýsingar um starfið veitir Pétur F Jónsson, svæðisstjóri, [email protected].

Eingöngu er tekið á móti umsóknum í gegnum heimasíðu Eimskips. Umsóknarfrestur er til og með 15. apríl næstkomandi.

Í anda jafnréttisstefnu Eimskips eru öll kyn hvött til að sækja um. Öllum umsóknum verður svarað og farið með þær sem trúnaðarmál.

Hreint sakavottorð og 18 ára aldur er skilyrði fyrir ráðningu hjá Eimskip.

Auglýsing birt20. mars 2025

Umsóknarfrestur15. apríl 2025

Tungumálahæfni