Íslandsstofa

Íslandsstofa er samstarfsvettvangur atvinnulífsins og stjórnvalda og hefur það hlutverk að auka gjaldeyristekjur þjóðarinnar með þróttmiklu starfi í þágu íslenskra útflutningsgreina. Með faglegu kynningarstarfi og samræmdum skilaboðum vekjum við áhuga á íslenskum vörum og þjónustu á erlendri grundu og kynnum Ísland sem ákjósanlegan áfangastað erlendra ferðamanna og vænlegum kosti fyrir beina erlenda fjárfestingu. Með fræðslu og ráðgjöf eflum við samkeppnishæfni íslenskra fyrirtækja og búum þau undir sókn á erlenda markaði. Í samstarfi við miðstöðvar skapandi greina vekjum við athygli á íslenskri menningu og listum og styðjum við kynningu á þeim erlendis

Vinnustaðurinn

Öflugur greinandi

Íslandsstofa leitar að öflugum sérfræðingi með brennandi áhuga á hagtölum og útflutningi, árangursmælikvörðum, greiningum og miðlun tölulegra upplýsinga.

Starfið heyrir undir svið reksturs og viðskiptaþróunar hjá Íslandsstofu. Starfið felur meðal annars í sér greiningu, úrvinnslu og framsetningu tölulegra upplýsinga ásamt þróun og framsetningu árangursmælikvarða á sviðum sem tengjast starfsemi Íslandsstofu og útflutningsstefnu Íslands.

Helstu verkefni og ábyrgð

Greining, úrvinnsla og framsetning upplýsinga á sviði útflutningstölfræði, erlendra fjárfestinga, ferðaþjónustu og öðrum sviðum sem tengjast starfsemi Íslandstofu.

Skilgreining og framsetning árangursmælikvarða sem styðja við starfsemi Íslandsstofu og útflutningsstefnu atvinnulífs og stjórnvalda.

Samskipti og samvinna við hagaðila varðandi tölfræðigreiningar og framsetningu upplýsinga á sviðum sem tengjast starfsemi Íslandsstofu.

Umsjón með gagnabönkum sem Íslandsstofa hefur aðgang að og notkun þeirra.

Menntunar- og hæfniskröfur

Haldgóð reynsla af greiningum, vinnslu tölfræðiupplýsinga og mótun árangursmælikvarða.

Menntun sem nýtist í starfi, t.d. á sviði tölfræði, verkfræði, tölvunarfræði eða hagfræði.

Hæfni til að setja greiningar fram með skýrum og áhugaverðum hætti í skýrslum, á vef og í kynningum.

Hæfni til að koma fram og kynna niðurstöður greininga á íslensku og ensku.

Framúrskarandi ensku- og íslenskukunnátta skilyrði, kunnátta í norðurlandamáli er kostur.

Frumkvæði, metnaður, færni í að starfa í hóp og góð samskiptahæfni.

Brennandi áhugi á íslensku viðskiptalífi og starfssviði Íslandsstofu.

Íslandsstofa er sjálfseignarstofnun sem stofnsett var í samstarfi atvinnulífsins og stjórnvalda og er hún samstarfsvettvangur um stefnu og aðgerðir til þess að auka útflutningstekjur og hagvöxt. Ný útflutningsstefna var mörkuð og kynnt árið 2019 og starfar Íslandsstofa eftir áherslum hennar í þágu íslenskra útflutningsgreina.

Hlutverk sviðs reksturs og viðskiptaþróunar er að þróa þjónustu Íslandsstofu við allar atvinnugreinar og fyrirtæki. Rekstur og viðskiptaþróun sinnir greiningum fyrir öll svið Íslandsstofu og á náið samstarf við stjórnsýsluna og atvinnulífið um greiningar og undirbúning stefnumótandi verkefna.

Forstöðumaður sviðsins er Brynhildur Georgsdóttir og veitir hún upplýsingar um starfið.

Auglýsing stofnuð31. ágúst 2023

Umsóknarfrestur10. september 2023

Starfstegund

Staðsetning

Bjargargata 1, 102 Reykjavík

Tungumálakunnátta