Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Ný og spennandi staða flæðisstjóra skurðlækningaþjónustu

Skurðlækningaþjónustan í Fossvogi sækist eftir öflugum einstaklingi með faglega hæfni og reynslu af hjúkrun til að stýra flæði skurðsjúklinga í Fossvogi. Flæðisstjóri mun sinna daglegu flæði innan sérgreinarinnar, bæði bráða- og valaðgerðum til að tryggja og stuðla að bættu flæði sjúklinga.

Um er að ræða nýja stöðu innan skurðlækningaþjónustunnar og felur starfið í sér mikla teymisvinnu og er unnið í nánu samstarfi við deildarstjóra legudeilda í Fossvogi, forstöðufólk, sérfræðilækna, sérnámslækna á sérgreinum skurðlækninga og innlagnastjóra. Flæðisstjóri mun heyra undir deildarstjóra á dagdeild skurðlækninga í Fossvogi og vera með aðsetur þar.

Mikil gæða- og umbótavinna er innan þjónustunnar og er starf flæðisstjóra að tryggja skilvirkt flæði og að sjúklingar fái rétta þjónustu, á réttum stað og á réttum tíma.

Góður starfsandi er ríkjandi sem einkennist af vinnugleði og metnaði og markvisst er unnið að umbótum og framþróun.

Starfshlutfall er 100% og er ráðið í starfið sem fyrst eða eftir nánara samkomulagi. Vinnuvika starfsfólks í fullri dagvinnu er nú 36 stundir. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.

Menntunar- og hæfniskröfur

Íslenskt hjúkrunarleyfi

Reynsla í hjúkrun skurðsjúklinga æskileg

Faglegur metnaður

Lausnamiðuð hugsun og skipulögð vinnubrögð

Góðir samskiptahæfileikar og jákvætt viðmót

Hæfni og vilji til að taka þátt í teymisvinnu

Góð íslenskukunnátta, bæði í mæltu og rituðu máli

Helstu verkefni og ábyrgð

Sinnir daglegu flæði innan sérgreina á skurðlækningaþjónustu í Fossvogi og vinnur með innlagnastjóra að því að tryggja sjúklingum sem þurfa að leggjast inn viðeigandi úrræði

Vinnur í samvinnu við stjórnendur skurðlækningaþjónustu að bættu flæði sjúklinga

Vinnur náið með útskriftarteymi spítalans

Stuðlar að samfellu í þjónustu við sjúklinga

Stuðlar að framúrskarandi þjónustu deilda með sjúklinginn i öndvegi

Er virkur þátttakandi í þróun og uppbyggingu þjónustunnar

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, Hjúkrunarfræðingur, hjúkrun

Tungumálahæfni: íslenska 4/5

Nánari upplýsingar

Ingibjörg Guðmundsdóttir, ingibjgu@landspitali.is, 824-1573

Dag- og legudeildir skurðlækninga-, skurðstofu- og gjörgæsluþjónustu (sameiginlegt)

C10 Fossvogur

108 Reykjavík

Auglýsing birt27. nóvember 2024

Umsóknarfrestur9. desember 2024

Tungumálahæfni

Íslenska

Nauðsyn

Mjög góð

Starfstegund

Starfsgreinar

Starfsmerkingar

Fleiri störf (43)

Hjúkrunarnemar á 1., 2. og 3. ári - Hlutastörf með námi á meltingar- og nýrnadeild