Nemastarf við rannsóknarverkefni
Rannsóknasetur skapandi greina (RSSG) og Háskólinn á Bifröst leitar að háskólanema í sumarstarf við rannsóknarverkefni um gestatölur viðurkenndra safna á Íslandi. Verkefnið, Safnagestir, hlaut nýlega styrk úr Nýsköpunarsjóði námsmanna og tengist stærra rannsóknarverkefni, Söfn á Íslandi, sem RSSG leiðir og hlaut styrk frá Safnasjóði 2026. Söfn á Íslandi miðar að því að efla þekkingu, túlkun og miðlun gagna um starfsemi safna á Íslandi. Bæði verkefni er unnin í samstarfi Rannsóknasetursins og Háskólans á Bifröst. Fyrir hæfan einstakling gæti skapast tækifæri til þátttöku í stærra rannsóknarverkefninu.
Um verkefnið
Gestatölur eru mikilvægur mælikvarði fyrir starfsemi safna á Íslandi en takmörkuð þekking er til á því hvernig talning og flokkun gesta fer fram á milli safna. Verkefnið beinir sjónum að þessum spurningum með sérstakri áherslu á ferðamenn sem safnagesti. Markmið verkefnisins er að varpa ljósi á hvað felst í opinberum gestatölum viðurkenndra safna, hvaða samanburð þær leyfa og hvar takmarkanir liggja.
Verkefnið er bæði megindlegt og eigindlegt: Annars vegar verður unnið með gagnasafn Safnaráðs, þ.e. hreinsun og greiningu gagna, samanburð milli safna og yfir tíma. Hins vegar verður hönnuð og framkvæmd eigindleg gagnasöfnun, þ.e. spurningalistar og/eða stutt viðtöl við forsvarsfólk safna.
Afraksturinn verður þríþættur: Endurbætt gagnasett um safnagesti, rannsóknarskýrsla með helstu niðurstöðum, og grunnur að frekari rannsóknum.
Verkefnið er unnið í nánu samstarfi við umsjónarmenn og mun viðkomandi njóta leiðsagnar í öllum verkþáttum. Meginverkefni eru:
-
Yfirferð og kortlagning á uppbyggingu og innihaldi gagnasafns Safnaráðs
-
Hreinsun, samræming og megindleg greining gestatalna, þ.m.t. samanburður milli safna og yfir tíma
-
Hönnun og framkvæmd eigindlegrar gagnasöfnunar hjá forsvarsfólki safna
-
Samþætting megindlegrar og eigindlegrar greiningar
-
Ritun rannsóknarskýrslu og frágangur endurbætts gagnasetts með lýsigögnum
-
Nemandi sé skráður í háskólanám (á grunn- eða meistarastigi)
-
Háskólagráða sem nýtist í starfi
-
Skipulögð og sjálfstæð vinnubrögð
-
Góð hæfni í íslensku í ræðu og riti
-
Góð greiningarhæfni
-
Reynsla og/eða þekking á eigindlegri aðferðafræði
-
Reynsla og/eða þekking á megindlegri aðferðafræði er kostur
-
Áhugi á menningarmálum og safnastarfi er kostur
-
Kunnátta í R eða Python er kostur
-
Áhugi á þátttöku í frekari rannsóknum á þessu sviði er kostur
Íslenska
