Laus störf Hæfnileit Vinnustaðir Námskeið

Akureyri

Akureyrarbær er stór vinnustaður með rúmlega 2.000 starfsmenn. Á hverju vori fjölgar starfsfólki um nálægt 1.200 manns vegna sumarafleysinga og vinnuskólans. Starfsfólk Akureyrarbæjar sinnir margvíslegum verkefnum sem tryggja velferð og ánægju íbúa Akureyrar, hvort sem um er að ræða störf við leik- eða grunnskóla, íbúakjarna, rekstur mannvirkja, stjórnsýslu eða annað.

Vinnustaðurinn

Naustaskóli: Umsjónarkennari

Í Naustaskóla á Akureyri er laus til umsóknar 100% staða umsjónarkennara á miðstigi. Um er að ræða ótímabundna stöðu sem ráðið verður í frá 1. febrúar næstkomandi eða samkvæmt nánara samkomulagi.

Við leitum að metnaðarfullum og áhugasömum kennara til að ganga til liðs við öflugt kennarateymi 4. – 5. bekkjar.

Í Naustaskóla er er lögð áhersla á jákvæðan aga, teymiskennslu, námsaðlögun og faglegt samstarf. Kennarar kenna saman á opnum svæðum og skapa saman lærdómssamfélag með sérstakri áherslu á að koma til móts við hvern og einn nemanda.

Einkunnarorð Naustaskóla eru „Námsaðlögun- Athvarf- Umhyggja – Samvinna – Táp og fjör – Allir með!“

Viltu vita meira? Kíktu í rafræna heimsókn www.naustaskoli.is

Helstu verkefni og ábyrgð

Kennari er hluti af kennarateymi, sinnir kennslu nemenda í samstarfi og samvinnu við kennara teymisins og aðra starfsmenn skólans og ber ábyrgð á starfi sínu gagnvart skólastjóra.
Skipulagning og framkvæmd kennslu í samstarfi við teymisfélaga.
Einstaklingsmiða kennslu og námsmat.
Þátttaka í þróunarstarfi og teymisvinnu.
Virk þátttaka í faglegu samstarfi innan skólans.
Samskipti og samstarf við foreldra.
Umsjón með nemendahópi.

Menntunar- og hæfniskröfur

Kennaramenntun og réttindi til kennslu í grunnskóla.
Framhaldsmenntun er æskileg.
Hefur á valdi sínu fjölbreyttar kennsluaðferðir sem taka mið af mismunandi þörfum, áhuga og getu nemenda.
Reynsla af teymiskennslu æskileg.
Þekking og/eða vilji til að starfa eftir hugmyndafræði Jákvæðs aga
Góðir skipulagshæfileikar.
Frumkvæði og samstarfsvilji.
Sveigjanleiki og víðsýni í starfi og samskiptum
Hæfni í mannlegum samskiptum
Að vera reiðubúinn til að leita nýrra leiða í skólastarfi.
Áhugi á þróunarstarfi.
Gerð er krafa um vammleysi s.s. að vera með gott orðspor og að framkoma og athafnir á vinnustað og utan hans samrýmist starfinu.

Umsókninni skal fylgja greinargóð skýrsla um störf umsækjanda og menntun, kennslureynslu og þau verkefni sem hann hefur unnið að og varpað geta ljósi á færni hans til að sinna starfi kennara. Þá skal fylgja umsókninni greinargerð um hugmyndir umsækjanda og sýn hans á kennarastarfið og hvernig hann sér starf sitt sem kennara geta þróast.

Tekið verður tillit til Mannréttindastefnu Akureyrarbæjar um jafnréttismál við ráðningu í starfið.

Laun eru samkvæmt kjarasamningi Sambands íslenskra sveitarfélaga og Kennarasambands Íslands vegna Félags grunnskólakennara

Upplýsingar um kaup og kjör veitir launadeild Akureyrarbæjar: [email protected]

Allar nánari upplýsingar veitir Bryndís Björnsdóttir skólastjóri í síma 460-4101, netfang [email protected]

Einungis er tekið á móti rafrænum umsóknum á heimasíðu Akureyrarbæjar: www.akureyri.is

Umsóknarfrestur er til og með 18. janúar 2026.

Auglýsing birt5. janúar 2026

Umsóknarfrestur18. janúar 2026

Tungumálahæfni