Metnaðarfullir einstaklingar í móttöku og spa

Hreyfing leitar að metnaðarfullum, þjónustulunduðum og lífsglöðum einstaklingum í móttöku og spa móttöku.

Í móttöku Hreyfingar starfar öflugur hópur einstaklinga sem kappkostar við að veita framúrskarandi þjónustu og tryggja að viðskiptavinir upplifi fagmennsku og gleði í hvetjandi umhverfi. Við látum gleðina ráða ferðinni þannig að bæði meðlimir og starfsfólk okkar finni að hér sé gott að vera.

Verkefni móttöku eru fjölþætt - móttaka gesta, gerð veitinga á heilsubar, tímabókanir í spa, veitinga og vörusala, ráðgjöf og úrlausn mála og fleira sem tengist því að hlúa að heilsuvegferð meðlima Hreyfingar. Lykilmarkmið að skapa góða orku, gleði og einstaka upplifun í hvert einasta sinn.

Eiginleikar sem við leitum eftir:

• Reynsla af þjónustustörfum, t.a.m. úr veitinga- eða verslunarstarfsemi

• Framúrskarandi samskiptafærni og jákvæðni að leiðarljósi

• Liðsandi og löngun til að fara fram úr væntingum

• Ástríða fyrir heilbrigðu líferni og að líða betur í dag en í gær

Tilvalið fyrir metnaðarfulla og félagslynda einstaklinga sem njóta þess að eiga í jákvæðum samskiptum og gera daginn bjartari. Ef það höfðar til þín að taka þátt í því að skapa meira pláss fyrir heilbrigði og jákvæðni hjá meðlimum okkar viljum við gjarnan heyra frá þér.