Menningar -og þjónustusvið - Verkefnastjóri viðburða og menningarverkefna
Reykjanesbær leitar að öflugum, skipulögðum, skapandi og lausnamiðuðum einstaklingi í starf verkefnastjóra viðburða og menningarverkefna.
Starfið hentar einstaklingi sem hefur brennandi áhuga á menningarlífi og viðburðahaldi, er skipulagður í vinnubrögðum og vill taka virkan þátt í að skapa lifandi og fjölbreytta viðburði fyrir íbúa Reykjanesbæjar. Í starfinu felst skipulagning, framkvæmd og samræming menningartengdra viðburða og verkefna í nánu samstarfi við menningarfulltrúa og aðra aðila, með það að markmiði að tryggja faglega framkvæmd og samræmda og markvissa dagskrá yfir árið. Hluti starfsins er unninn utan hefðbundins vinnutíma og því er vinnutími sveigjanlegur að einhverju marki. Um 100% starf er að ræða og er æskilegt er að viðkomandi geti hafið störf 1. apríl eða eftir samkomulagi.
Gildi Reykjanesbæjar eru virðing, eldmóður og framsækni og mikilvægt er að viðkomandi endurspegli þau gildi í sínum störfum.
- Skipulag og framkvæmd minni og meðalstórra viðburða
- Skipulag og framkvæmd afmarkaðra verkþátta í stærri viðburðum, s.s. Ljósanótt, BAUN og Aðventugarði
- Samræming dagskrár og samstarf við menningarstofnanir, félög og aðra samstarfsaðila
- Vinna að kynningu og upplýsingagjöf í samstarfi við markaðs- og kynningarfulltrúa
- Viðvera á vettvangi viðburða og eftirfylgni með framkvæmd
- Háskólamenntun sem nýtist í starfi
- Reynsla af viðburða- eða verkefnastjórnun
- Framúrskarandi skipulags- og samskiptahæfni
- Frumkvæði, sjálfstæði, skapandi og lausnamiðuð nálgun
- Reynsla af markaðssetningu og miðlun kostur
- Geta til að vinna með mörg verkefni samtímis
- Góð íslensku- og enskukunnátta
- Bókasafnskort
- Gjaldfrjáls aðgangur að menningarhúsum
- Gjaldfrjáls aðgangur í sund
- Gjaldfrjáls aðgangur í strætó
Íslenska
Enska
