IKEA

Í dag starfa um 450 manns hjá IKEA á Íslandi, í lifandi alþjóðlegu umhverfi. Þessi stóri samheldni hópur vinnur daglega að framgangi hugmyndafræði IKEA: „Að gera daglegt líf þægilegra fyrir sem flesta“. Fjölbreytni er lykill að velgengni. Hjá IKEA, fögnum við öllum víddum fjölbreytileikans. Við leggjum áherslu á að skapa vinnuumhverfi þar sem öll eru velkomin, virt, studd og vel metin, sama hver þau eru eða hvaðan þau koma. Við erum fullviss um að sérstaða allra einstaklinga gerir IKEA betri. Hér í IKEA leggjum við mikla áherslu á jákvæð samskipti á vinnustað og teljum sveigjanleika í starfi og samræmi milli vinnu og einkalífs vera mikilvægan þátt í starfsánægju. Starfsemi fyrirtækisins býður upp á skapandi og skemmtileg störf og mikla möguleika á að þróast og vaxa í starfi – með jákvæðni að leiðarljósi.

Vinnustaðurinn

Matreiðslumaður / Matráður

IKEA leitar að hörkuduglegum matreiðslumanni í frábæra teymið okkar á veitingasviði. Á veitingasviði IKEA starfar fjölbreyttur hópur starfsmanna við ýmis störf sem snúa að framleiðslu og þróun veitinga sem eru í sölu á veitingastað og kaffihúsi verslunarinnar.

Hjá IKEA starfar fjölbreyttur hópur fólks sem vinnur daglega að framgangi hugmyndafræði IKEA: „Að gera daglegt líf þægilegra fyrir sem flesta“. Á veitingasviði IKEA er lögð áhersla á samheldni, jákvætt andrúmsloft og framúrskarandi þjónustu til viðskiptavina.

Starfssvið:

Undirbúningur, framreiðsla, og matreiðsla á veitingastað IKEA
Vöruþróun fyrir veitingasvið í samvinnu við stjórnendur
Gæðaeftirlit á matvælum
Önnur tilfallandi störf

Hæfniskröfur:

Menntun í matvælaiðnaði eða öðru sambærilegu er skilyrði
Starfsreynsla úr matvælageiranum er skilyrði
Þekking á matvælaöryggi og almennt góðum starfsháttum við framleiðslu matvæla
Sjálfstæði og drifkraftur
Lipurð í samskiptum og jákvæðni
Færni til að vinna undir álagi
Almenn tölvukunnátta

Vinnutími er alla jafna frá kl. 9-17 virka daga og stakir helgidagar eða eftir samkomulagi.

Umsóknarfrestur er til 20. nóvember. Gera má ráð fyrir að unnið sé úr umsóknum fljótlega eftir að þær berast.

Nánari upplýsingar um starfið veitir mannauðssvið IKEA, [email protected] og Jón Ingi Einarsson, [email protected]

Fríðindi í starfi

Samgöngustyrkur fyrir þá sem nýta sér vistvænan og heilsusamlegan samgöngumáta til og frá vinnu.
Ýmsir viðburðir á vegum fyrirtækisins ásamt virku starfsmannafélagi sem stendur fyrir reglulegum viðburðum.
Aðgengi að sumarbústað til einkanota.
Niðurgreiddur heilsusamlegur matur með vegan valkosti og salatbar.
Ávextir og hafragrautur í boði.
Heilsueflingarstyrkur ásamt frírri heilsufarsskoðun og velferðarþjónustu frá utanaðkomandi fagaðila.
Hressandi morgunleikfimi tvisvar í viku.
Aðgengi að námskeiðum og fræðslu til að styrkja persónulega hæfni.
Skapandi og skemmtileg störf með mikla möguleika á að þróast og vaxa í starfi.
Skemmtilegir vinnufélagar.
Afsláttur af IKEA vörum.