Hjúkrunar- og dvalarheimilið Barmahlíð

Í Barmahlíð starfa 14 manns á vöktum. Heimilið hefur pláss fyrir 14 í hjúkrunarrýmum og 2 í dvalarrýmum. Hugmyndafræði Barmahlíðar er að efla sjálfstæði heimilismanna með umhyggju og jafnræði að leiðarljósi. Vera styðjandi og viðhalda sjálfsbjörg og virðingu. Hafa heimilishald með heimilisbrag.

Vinnustaðurinn

Matráður við Hjúkrunar- og dvalarheimilið Barmahlíð

Vilt þú stuðla að betra lífi fólks?

Laust er til umsóknar starf matráðs við Hjúkrunar- og dvalarheimilið Barmahlíð á Reykhólum.
Um er að ræða 100% starf sem er laust nú þegar.

Í starfinu fellst m.a. að útbúa máltíðir fyrir heimilisfólk Hjúkrunar- og dvalarheimilisins Barmahlíðar, þar sem matmálstímar skipta miklu máli og eru með betri stundum dagsins.

Helstu verkefni og ábyrgð

Yfirumsjón með eldhúsi og starfsfólki þess
Þátttaka í heimilislífi Barmahlíðar þar sem lögð er áhersla á vellíðan heimilisfólks
Útbúa morgunmat, millimál, hádegisverð og léttan kvöldverð þar sem áhersla er lögð á fjölbreytni og hollustu.
Verkstjórnun annars starfsfólks mötuneytis og umsjón með skipulagi starfs.
Skipulag og umsjón með þrifum á matsal og í mötuneyti.
Innkaup á matvöru, áhöldum og tækjum í mötuneyti
Skipulag á matseðlum, allt að mánuð fram í tímann.

Menntunar- og hæfniskröfur

Haldbær reynsla á sviði matargerðar.
Góð hæfni í mannlegum samskiptum og rík þjónustulund
Góð skipulagshæfni
Metnaður og áhugi á matargerð
Góð íslenskukunnátta æskileg.
Menntun í matargerð er kostur
Reynsla af starfi á hjúkrunarheimili er kostur
Jákvæðni, drifkraftur og sjálfstæði í störfum

Fríðindi í starfi

Starfsfólk sem flytur til Reykhólahrepps í fast starf hjá sveitarfélaginu fær flutningsstyrk.

Nánari upplýsingar um starfið veitir sveitarstjóri í síma 4303200.
Umsóknarfrestur er til 31. mars 2024.

Laun og starfskjör eru samkvæmt kjarasamningi Sambands íslenskra sveitarfélaga og hlutaðeigandi stéttarfélags.

Reykhólahreppur er á Vestfjörðum en á mörkum Vesturlands í tæplega klukkustundaakstri frá Hólmavik og Búðardal. Í Reykhólahreppi búa um 250 manns. Þar er gott skóla- og tómstundastarf. Reykhólaskóli er samrekinn grunn- og leikskóli með um 50 nemendur.

Auglýsing birt14. mars 2025

Umsóknarfrestur31. mars 2025

Tungumálahæfni