Marketing specialist / Sérfræðingur í markaðssetningu
Við leitum að árangursdrifinni markaðsmanneskju sem hefur ástríðu fyrir markaðssetningu á netinu, þekkir inn á netverslanir (DTC) og vill taka þátt og byggja upp og efla vörumerkið okkar hér á Íslandi.
Venja er ört vaxandi vörumerki og netverslun sem leggur áherslu á að þróa hágæða vítamín- og bætiefni fyrir konur. Framundan eru spennandi tímar og við leitum að rétta einstaklingnum í teymið okkar.
Hlutverk þitt verður að aðstoða við stefnumótun, framkvæmd og eftirfylgni af markaðsaðgerðum fyrirtækisins sem samræmist langtímamarkmiðum þess og leita leiða til að hlúa að núverandi og líklegum viðskiptavinum (nurture leads, onboard leads og engage inactive customers).
- Markaðsaðgerðir og efnissköpun: Aðstoða við og koma með hugmyndir að sköpun og framkvæmd markaðsaðgerða fyrir ólíka miðla s.s.: Klaviyo, Meta business suite, Google ads, instagram, og TikTok.
- Markpóstaherferðir: Móta og framkvæma grípandi markpóstaherferðir í gegnum Klaviyo.
- Samfélagsmiðlar: Umsjón samfélagsmiðla með það að markmiði að skapa efni sem upplýsir og veitir fylgjendum innblástur. Koma auga á og grípa tækifæri, trend í miðlun og sköpun efnis.
- Textagerð: Sjá um og móta texta fyrir mismunandi vettvanga, s.s. heimasíðu, markpóst og efnissköpun o.fl.
- Samstarf við áhrifavalda: Umsjón og eftirfylgni af UGC og samvinnu við áhrifavalda.
- Greining og árangur: Greina og meta árangur af markaðsaðgerðum og koma með hugmyndir að úrbótum og/eða nýrri nálgun.
- Þjónusta við viðskiptavini: Svara fyrirspurnum viðskiptavina með það að markmiði að hámarka upplifun þeirra, auka líftíma viðskiptavina og auka sölu.
Háskólamenntun með áherslu á viðskipta- og / eða markaðsfræði er kostur. Viðkomandi þarf að búa yfir góðri þekkingu, áhuga og skilningi á notkun samfélagsmiðla til markaðssetningar.
Venja er netverslun og því þarf viðkomandi að hafa mikinn áhuga á að vaxa innan DTC geirans (direct to consumer). Reynsla og þekking á notkun helstu samfélagsmiðla í markaðsstarfi s.s. Facebook, Instagram, TikTok, Meta business suite, Google ads. Þekking á Shopify og Klaviyo markpóstaforritinu kostur.
Viðkomandi
- Býr yfir framúrskarandi samskiptahæfileikum
- Hefur gott auga fyrir smáatriðum og metnað til að ná markmiðum innan tiltekins tíma
- Er árangursdrifin/n og vill auka þekkingu sína á nýjum sviðum
- Hefur frábæra íslenskukunnáttu, bæði í töluðu og rituðu máli
- Hefur sterka stjórn á ensku, bæði í töluðu og rituðu máli
- Er tæknilega sinnaður og fljót/fljótur að læra
- Vinnur vel í teymi, á gott með samskipti og hefur jákvæðni og gleði í fyrirrúmi
- Er sveiganleg/ur og skapandi
EnskaFramúrskarandi
ÍslenskaFramúrskarandi
