Terra hf.

Terra er líflegur og fjölbreyttur vinnustaður. Hjá félaginu starfa um 260 einstaklingar á starfsstöðvum á nokkrum stöðum á landinu. Alla daga vinnum við af dugnaði og eljusemi að því að gera góða hluti fyrir umhverfið. Við veitum fjölbreytta þjónustu á sviði umhverfismála, einkum á sviði úrgangsstjórnunar og endurvinnslu. Frá 1984 hefur Terra lagt áherslu á að þjóna fyrirtækjum, sveitarfélögum og einstaklingum á hagkvæman og umhverfisvænan hátt þar sem tekið er fullt tillit til aðstæðna á hverjum stað og mismunandi þarfa viðskiptavina. Lögð er áhersla á að koma öllum þeim efnum sem falla til í viðeigandi farveg og aftur inn í hringrásarhagkerfið. Við leggjum mikið upp úr fjölskylduvænu vinnuumhverfi, sterkri liðsheild og jákvæðum og góðum starfsanda. Við erum með öflugt starfsmannafélag sem heldur fjölbreytta viðburði yfir allt árið.

Vinnustaðurinn

Mannauðsfulltrúi

Brennur þú fyrir því að vinna með fólki, vinna við fræðslu og þjálfun og önnur spennandi mannauðsmál og að skapa jákvæða upplifun á vinnustað? Ef þú nýtur þess að skipuleggja, ert jákvæður, drífandi og lausnamiðaður einstaklingur að eðlisfari, þá viljum við endilega heyra frá þér.

Við á sviði Sjálfbærni og menningar hjá Terra leitum að liðsfélaga sem er tilbúinn til að sjá um fræðslumál hjá Terra og dótturfélögum en samanlagður fjöldi starfsfólks er rúmlega 300 manns. Starfið felur jafnframt í sér þátttöku í fjölbreyttum og spennandi verkefnum þar sem þú getur haft áhrif og lagt þitt af mörkum til að þróa og efla mannauðsstarfið okkar enn frekar.

Þú munt bera ábyrgð á fræðslu og þjálfun starfsfólks, en við nýtum m.a. fræðslu- og upplýsingakerfið Relesys í því skyni. Einnig felst í starfinu þátttaka í mótun og skráningu verklagsreglna og ferla sem tengjast bæði mannauðsmálum og gæða- og öryggismálum. Þar að auki að veita mannauðsstjóra félagssins stuðning við ýmis mannauðstengd verkefni. Við erum nú á vegferð að innleiða Journeys frá 50skills og mun nýr liðsfélagi koma að þeirri vinnu.

Fyrir áhugasamt mannauðsfólk, þá býðst spennandi tækifæri til að hafa áhrif innan umhverfisgeirans. Samhentur hópur metnaðarfullra samstarfsfélaga mun taka á móti þér og styðja þig í starfi. Þú færð mikilvægt hlutverk innan móður- og dótturfélaga Terra, sveigjanleika í starfi og tækifæri til að nýta og þróa hæfileika þína á vettvangi sem skiptir máli.

Hjá Terra vinnum við í því alla daga að gera góða hluti fyrir umhverfið.

Helstu verkefni og ábyrgð

Skipulag og utanumhald fræðslu- og þjálfunarmála starfsfólks
Þróun og gerð fræðsluefnis
Eftirfylgni og miðlun upplýsinga um stöðu fræðslumála
Sækja styrki úr fræðslusjóðum
Ferlavinna og skráning verklagsreglna
Stuðningur við mannauðsstjóra í fjölbreyttum mannauðstengdum verkefnum

Menntunar- og hæfniskröfur

Háskólamenntun sem nýtist í starfi og/eða reynsla á sviði mannauðsmála er kostur
Brennandi áhugi á fræðslu, þjálfun starfsfólks og skýrum verklagsferlum
Reynsla af notkun rafrænna fræðslu- og upplýsingakerfa er kostur
Jákvætt viðmót og framúrskarandi samskiptahæfni
Hæfni til að miðla upplýsingum á skýran hátt, leiðbeina og kenna hópum
Góð skipulagshæfni, öguð vinnubrögð, drifkraftur og lausnamiðað hugarfar
Góð kunnátta í íslensku og ensku, bæði í ræðu og riti

Vertu hluti af öflugu teymi starfsfólks Terra, þar sem fagleg þjónusta, traust, heiðarleiki og ánægja viðskiptavina eru í forgrunni. Við leggjum jafnframt mikla áherslu á jákvætt starfsumhverfi, samheldni og að starfsfólk fái að vaxa í starfi – bæði sem einstaklingar og sem hópur – á sama tíma og við höfum gaman saman í vinnunni.

Öll kyn eru hvött til að sækja um starfið.

Hluti af verkefnum þessa starfs felur í sér að leysa af einstakling í fæðingarorlof í um eitt ár en þar sem félagið er í breytingavegferð og ýmis verkefni framundan, þá kann að vera möguleiki á áframhaldandi ráðningu.

Nánari upplýsingar veitir Gróa Björg Baldvinsdóttir, framkvæmdastjóri Sjálfbærni og menningar, [email protected]

Auglýsing birt4. júlí 2025

Umsóknarfrestur24. júlí 2025

Tungumálahæfni