Sýslumaðurinn á höfuðborgarsvæðinu

Hjá sýslumönnum nálgast þú ýmsa þjónustu ríkisins, ýmist rafrænt eða með komu á eina af mörgum skrifstofum sýslumanna víða um land. Nýr kafli er hafinn í sögu sýslumannsembætta sem rekja má til tækniframfara í samfélaginu og eru embættin á fleygiferð í stafrænni vegferð og þróun þjónustu til viðskiptavina. Hjá embætti Sýslumannsins á höfuðborgarsvæðinu starfa um 100 manns og íbúar umdæmisins eru um 242.000. Sýslumaðurinn á höfuðborgarsvæðinu annast umsóknir um vegabréf og ökuskírteini, sinnir fjölskyldumálum, veitir leyfi til ættleiðinga, hefur eftirlit með skráningu heimagistinga, sinnir ýmsum opinberum skráningum svo sem þinglýsingum, auk fleiri verkefna.

Vinnustaðurinn

Löglærður fulltrúi

Sýslumaðurinn á höfuðborgarsvæðinu leitar að öflugum lögfræðingi í starf löglærðs fulltrúa á þinglýsinga- og leyfasvið embættisins.

Starfið felur m.a. í sér úrvinnslu vegna þinglýsinga, ákvörðun stimpilgjalds og framkvæmd lögbókandagerða. Í starfinu felst einnig þátttaka í almennri afgreiðsluvakt þinglýsinga og lögbókandagerða. Í starfinu getur eftir atvikum falist verkefni er varða leyfisútgáfu og eftirlit með skráningar- og rekstrarleyfisskyldum gististöðum á landsvísu og ákvörðun um stjórnvaldssekt.

Helstu verkefni og ábyrgð

Úrvinnsla og afgreiðsla erinda

Lögbókandagerðir

Meðferð kærumála

Ákvörðun og skipulag málsmeðferða og fylgja málum eftir

Ákvörðun stimpilgjalds

Þátttaka í þróun á þjónustu, framkvæmd og túlkun þeirra lagaákvæða og reglna sem unnið er eftir á þinglýsinga- og leyfasviði

Upplýsingagjöf, leiðbeiningar og samskipti við viðskiptavini

Menntunar- og hæfniskröfur

Embættispróf eða grunnnám ásamt meistaraprófi í lögfræði

Starfsreynsla sem nýtist í starfi

Þekking á ákvæðum þeirra laga sem varða þinglýsingar og leyfisveitingar og helstu álitaefnum sem reynir á við túlkun þeirra er æskileg

Geta til að vinna sjálfstætt að greiningu og úrlausn lögfræðilegra álitaefna

Frumkvæði, sjálfstæði og skipulagshæfni

Jákvætt viðmót, góð samskiptahæfni og þjónustulund.

Góð tölvukunnátta

Gott vald á íslensku og ensku í mæltu og rituðu máli

Umsókn þarf að fylgja ferilskrá og kynningarbréf þar sem gerð er grein fyrir ástæðu umsóknar og hæfni umsækjanda í starfið og umsagnaraðila á Alfred.is.
Umsækjandi þarf að hafa hreint sakavottorð, rafræn skilríki og uppfylla að öðru leyti b.-f. liði 3. gr. laga nr. 50/2014.

Öllum umsóknum verður svarað þegar ákvörðun um ráðningu liggur fyrir. Umsóknir gilda í 6 mánuði frá því að umsóknarfrestur rennur út. Við ráðningu er tekið mið af jafnréttisstefnu Sýslumannsins á höfuðborgarsvæðinu.
Starfshlutfall er 100%. Um launakjör fer eftir kjarasamningi fjármála- og efnahagsráðherra og Stéttarfélags lögfræðinga.

Umsóknarfrestur er til og með 27. september 2023.

Nánari upplýsingar um starfið veitir Þóra Björk Eysteinsdóttir, mannauðsstjóri (thora.bjork.eysteinsdottir@syslumenn.is) og Ásdís Halla Arnardóttir, sviðsstjóri (asdis.halla.arnardottir@syslumenn.is).

Sýslumenn fara með framkvæmdarvald og stjórnsýslu ríkisins í héraði, hver í sínu umdæmi, skv. lögum nr. 50/2014. Í umdæmi sýslumannsins á höfuðborgarsvæðinu búa um 64% landsmanna. Nánari upplýsingar um verkefni sýslumanna má finna á island.is/syslumenn.

Auglýsing stofnuð13. september 2023

Umsóknarfrestur27. september 2023

Starfstegund

Staðsetning

Hlíðasmári 1, 201 Kópavogur

Hæfni