Deloitte Legal

Deloitte Legal er öflugur hópur lögmanna, lögfræðinga og annarra sérfræðinga sem hefur áralanga reynslu af lögfræðiverkefnum fyrir stóra sem smáa, og íslenska sem alþjóðlega viðskiptavini, og er leiðandi á markaði þegar kemur að skattaráðgjöf.

Vinnustaðurinn

Lögfræðingur á sviði samninga- og félagaréttar

Deloitte Legal er samstarfsaðili Deloitte sem er leiðandi þjónustuveitandi á sviði endurskoðunar og reikningsskila, upplýsingatækniráðgjafar, fjármálaráðgjafar, áhætturáðgjafar og tengdrar þjónustu. Hjá Deloitte á alþjóðavísu starfa um 450.000 sérfræðingar í yfir 150 löndum, þar af um yfir 2.000 lögfræðingar sem stefna saman að því að veita ávallt framúrskarandi þjónustu. Hjá Deloitte Legal á Íslandi starfa hátt í 20 lögmenn, lögfræðingar og sérfræðingar.

Deloitte Legal leitar að áhugasömum og metnaðarfullum lögfræðingi í öflugt teymi félagsins. Deloitte Legal er framsækin og alþjóðleg lögmannsstofa sem þjónustar fjölbreyttan hóp fyrirtækja í margvíslegum atvinnugreinum á öllum helstu sviðum fyrirtækjalögfræði m.a. í samstarfi við aðildarfélög Deloitte um allan heim.  Leitað er að einstaklingi til að starfa á sviði samninga- og félagaréttar, þ.m.t. vegna ráðgjafar við stærri og smærri fyrirtæki, kaupa og sölu fyrirtækja, fjármögnunar og endurskipulagningar.

Helstu verkefni og ábyrgð

Lögfræðiráðgjöf og skjalagerð á sviði samninga- og félagaréttar.

Lögfræðiráðgjöf við stór sem smá fyrirtæki.

Stuðningur við markaðssókn félagsins.

Samvinna með öðrum ráðgjafateymum, hér heima og erlendis.

Menntunar- og hæfniskröfur

Embættis- eða meistarapróf í lögfræði.

Að lágmarki þriggja ára reynsla af lögfræðistörfum á sviði samninga- og félagaréttar og ráðgjafar við fyrirtæki.

Lestur og skilningur ársreikninga er ákjósanlegur.

Framúrskarandi samskipta- og samstarfshæfni og sjálfstæði í vinnubrögðum.

Frumkvæði og lausnamiðuð hugsun.

Mjög góð íslensku- og enskukunnátta er skilyrði og geta til að tjá sig, í ræðu og riti.

Hjá Deloitte Legal vinnum við með skýran tilgang, leggjum áherslu á að hver einstaklingur fái að njóta sín í starfi og haldi stöðugt áfram að læra og þróast. Þú lærir mikið af þeim fjölbreyttu verkefnum sem unnin eru með viðskiptavinum í ólíkum atvinnugeirum og færð góðan stuðning til vaxtar og þróunar í starfi.

Að auki bjóðum við upp á: 