Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Líffræðingur eða sameindalíffræðingur á sameindameinafræðideild

Við sækjumst eftir metnaðarfullum líffræðingi sem hefur áhuga á að vinna við þjónustugreiningar á krabbameinsæxlum og öðrum sýnum sem byggja á aðferðum sameindalíffræðinnar. Upphaf ráðningar er samkomulagsatriði en æskilegt að viðkomandi geti hafið störf sem fyrst.

Rannsóknastofa í sameindameinafræði er hluti af meinafræðideild og starfa þar aðallega lífeindafræðingar, meinafræðingar og líffræðingar, alls um 40 einstaklingar. Á rannsóknastofunni okkar sjáum við um klínískar þjónusturannsóknir á æxlum sem byggja á sameindalíffræðilegum aðferðum. Niðurstöður rannsóknanna eru nýttar til sjúkdómsgreininga og ákvarðanatöku um meðferð sjúklinga. Einnig eru unnar rannsóknir á blóðsýnum við greiningar á faðerni.

Auk fjölbreyttra þjónusturannsókna eru stundaðar vísindarannsóknir á tilurð og framvindu krabbameina og áhrif stökkbreytinga á meðferð sjúklinga.

Í leit okkar að nýjum liðsmanni leggjum við því áherslu á bakgrunn í sameindalíffræði og reynslu og áhuga á krabbameinsfræðum og vísindarannsóknum.

Menntunar- og hæfniskröfur

Nákvæmni, vandvirkni og skipulögð vinnubrögð

Sjálfstæði, jákvæðni og lausnamiðaður hugsunargangur

Góð íslensku- og enskukunnátta, bæði í mæltu og rituðu máli

Íslenskt starfsleyfi á heilbrigðissviði sem líffræðingur er kostur

Meistarapróf í sameindalíffræði er kostur

Reynsla af þjónusturannsóknum sem byggja á sameindalíffræðilegum aðferðum þ.m.t. háhraðaraðgreiningum er kostur

Góð kunnátta í Office pakkanum, sérstaklega Excel og sambærilegum forritum, er kostur

Helstu verkefni og ábyrgð

Undirbúningur og framkvæmd þjónusturannsókna sem byggjast aðallega á háhraðaraðgreiningum en einnig öðrum aðferðum sameindalíffræðinnar

Skráning upplýsinga í tengslum við móttekin sýni og niðurstöður rannsókna

Umsjón og þátttaka í daglegum rekstri rannsóknastofunnar

Þátttaka í vísindastarfi

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, líffræðingur, sameindalíffræðingur,

Tungumálahæfni: íslenska 4/5, enska

Nánari upplýsingar

Rósa Björk Barkardóttir, [email protected],

Frumulíffræði

Hringbraut

101 Reykjavík

Auglýsing birt4. mars 2025

Umsóknarfrestur19. mars 2025

Tungumálahæfni

Íslenska

Nauðsyn

Mjög góð

Staðsetning

Hringbraut 37-41 37R, 101 Reykjavík

Starfstegund

Starfsgreinar

Starfsmerkingar

Fleiri störf (50)