Laus störf Hæfnileit Vinnustaðir Námskeið

Marel

Marel er í hópi stærstu útflutningsfyrirtækja Íslands og er í fararbroddi á heimsvísu í þróun og framleiðslu á háþróuðum búnaði og kerfum til vinnslu á fiski, kjöti og kjúklingi. Marel er alþjóðlegt fyrirtæki og hjá því starfa um 7000 manns um allan heim. Fyrirtækið starfrækir skrifstofur og dótturfyrirtæki í fleiri en 30 löndum, auk 100 umboðsmanna og dreifingaraðila. Vöruframboð fyrirtækisins spannar allt framleiðsluferlið, frá frumvinnslu hráefnis til pökkunar í neytendaumbúðir. Marel býður upp á mikið úrval háþróaðra tækja og hugbúnaðar, þar á meðal vogir, flokkara, skurðarvélar, sagir, eftirlitsbúnað, beintínsluvélar, frysta, pökkunar- og merkingarvélar, svo eitthvað sé nefnt. Þá býður fyrirtækið upp á samþætt heildarkerfi sem henta á öllum helstu sviðum matvælavinnslu ásamt lausnum sem eru sérsniðnar að þörfum viðskiptavina. Undanfarin þrjátíu ár höfum við tengt saman það sem viðskiptavinir okkar og samstarfsaðilar gera best og það sem við gerum best. Sameinaðir kraftar hafa skilað matvælaiðnaðinum og samfélaginu auknum verðmætum. Með stöðuga nýsköpun að leiðarljósi hefur Marel umbreyst úr sprotafyrirtæki í heimsleiðtoga á sínu sviði. Fyrirtækið leggur að meðaltali 5-6% af veltu í rannsóknar- og þróunarstarf á ári hverju, sem er hæsta hlutfall sem fyrirfinnst í greininni. Framsæknar tækja- og hugbúnaðarlausnir frá Marel gera framleiðendum kleift að hámarka nýtingu, afköst og arðsemi.

Vinnustaðurinn

Liðsfélagi í samsetningu á vogum og rafbúnaði – Rafvirkjar og rafeindavirkjar

JBT Marel leitar að kraftmiklum liðsfélaga til starfa við samsetningu á fjölbreyttum vigtarbúnaði og rafbúnaði.

Unnið er í sjálfstæðum teymum sem samanstanda af 10-20 einstaklingum á öllum aldri og kynjum og bera þau sameiginlega ábyrgð á að ljúka framleiðslu hverrar vöru. Allir nýir starfsmenn fá þjálfun.

Framleiðsla JBT Marel í Garðabæ sérhæfir sig í stuðningi við vöruþróun og framleiðslu á sérhönnuðum verkefnum fyrir okkar viðskiptavini.

Helstu verkefni

Samsetningu fjölbreyttum vigtarbúnaði og ýmsum rafbúnaði (t.d. iðntölvur, skynjurum og skjáeiningum)
Spennusetning og gæðaúttekt
Uppsetning á hugbúnaði, stillingar og prófanir ásamt frágangi fyrir útflutning
Frumsannprófun á löggildanlegum vogum í framhaldi af námskeiði

Hæfniskröfur

Sveinspróf í rafvirkjun eða rafeindavirkjun (eða haldbær reynsla í faginu)
Góð íslenskukunnátta í töluðu og rituðu máli er skilyrði
Góð enskukunnátta í rituðu máli
Mjög góð tölvufærni og áhugi á tækniþróun
Góð færni í samskiptum og áhugi á teymisvinnu
Góð öryggisvitund, samviskusemi og metnaður
Jákvæðni, almenn lífsgleði og lausnamiðuð hugsun
Áhugi á umbótastarfi (stöðugum umbótum)

Fríðindi í starfi

Fyrsta flokks vinnuumhverfi með fjölbreyttum og skemmtilegum verkefnum
Fjölskylduvænn vinnutími
Tækifæri á starfsþróun
Frábært mötuneyti með morgunmat og heitum mat í hádeginu
Íþróttaaðstaða, íþróttastyrkur og hjólageymsla
Samgöngustyrkur
Sálfræðistyrkur
Fæðingarorlofsstyrkur
Árlegt heilsufarsmat
Virkt starfsmannafélag

Hver erum við?

JBT Marel er alþjóðlegt fyrirtæki, með starfsemi í öllum álfum og er í fararbroddi á heimsvísu í þróun og framleiðslu hátæknilausna fyrir matvælaiðnað.

Á Íslandi er ein stærsta starfsstöð JBT Marel og hér starfar stór og fjölbreyttur hópur fólks með eitt sameiginlegt markmið - að umbreyta framtíð matvælavinnslu.

Við leggjum mikla áherslu á nýsköpun, samvinnu, framúrskarandi árangur og þjónustulund í samskiptum við hvort annað.

Hefur þú áhuga?

Langar þig að verða hluti af teyminu okkar? Við hvetjum öll áhugasöm til að sækja um stöðuna!

Umsóknarfrestur er til og með 14. desember og sótt er um starfið í gegnum heimasíðu JBT Marel, www.marel.com.

Auglýsing birt2. desember 2025

Umsóknarfrestur14. desember 2025

Tungumálahæfni