Leikur og skapandi starf

Við óskum eftir starfsmanni í hlutastarf/tímavinnu eftir hádegi í leikskólann Ösp, sem er þriggja deilda leikskóli í Reykjavík með 52 börn. Leikskólinn er lítill og heimilislegur og starfsemi skólans leggur mikla áherslu á auðugt málumhverfi, umhverfismennt, málörvun og fjölmenningu. Gildi leikskólans eru gleði, vinátta og virðing.

Hefur þú gaman af börnum og leik þá er þetta starfið fyrir þig. Fullkomið hlutastarf með skóla, fjölbreytt, skemmtilegt og gefandi, þar sem enginn dagur er eins og sköpuð eru ný ævintýri á hverjum degi. Æskilegt er að viðkomandi getið hafið störf eins fljótt og unnt er.