Leikskólinn Lundarsel-Pálmholt: Starfsfólk í leikskóla
Leikskólinn Lundarsel-Pálmholt á Akureyri óskar eftir að ráða starfsfólk í 40%-100% stöður. Bæði er um ótímabundin og tímabundin störf að ræða og er æskilegt að viðkomandi geti hafið störf sem fyrst eða samkvæmt samkomulagi.
Vinnutími í 100% starfi er frá kl. 8-16. Unnið er eftir fyrirkomulagi um Betri vinnutíma og er vinnufyrirkomulagið fyrir 100% starf 36 klukkustundir á viku.
Í Lundarseli-Pálmholti er leitast við að búa börnunum lærdómsríkt umhverfi sem hvetur til sköpunar, umræðna og rannsókna. Við vinnum út frá áhuga barnanna og undrun þeirra á tilverunni. Við lítum á leikinn sem hornstein leikskólastarfsins og leggjum því mikla áherslu á að leikgleði barnanna fái notið sín í daglegu lífi leikskólans. Til að skapa gott andrúmsloft, tryggja öryggi og velferð allra í leikskólanum er unnið með SMT skólafærni. Einkunnaorð skólans eru: Glaðir spekingar sem leika og læra saman.
Viltu vera með okkur í liði og leggja þitt af mörkum?
- Vinna að uppeldi og menntun barnanna. Fylgjast vel með velferð þeirra og hlúa að þeim andlega og líkamlega í samræmi við eðli og þarfir hvers og eins svo að þau fái notið sín sem einstaklingar.
- Starfa samkvæmt námskrá Lundarsels og sinna þeim verkefnum sem deildarstjóri eða leikskólastjóri felur viðkomandi.
- Taka þátt í öllu starfi á deildinni og í leikskólanum.
- Viðkomandi þarf að hafa náð 18 ára aldri, vera á 19. aldursári.
- Reynsla af vinnu í leikskóla eða í starfi með börnum er kostur.
- Óskað er eftir sjálfstæðum, ábyrgum, sveigjanlegum og jákvæðum einstaklingi.
- Mikilvægt er að viðkomandi eigi auðvelt með mannleg samskipti og sé tilbúinn til að takast á við skemmtilegt starf með börnum.
- Gott vald á íslensku máli.
- Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu.
