Mosfellsbær

Mosfellsbær er sjöunda stærsta bæjarfélag á Íslandi með rúmlega 14.000 íbúa. Sveitarfélagið er staðsett í útjaðri höfuðborgarsvæðisins. Mosfellsbær byggir þjónustu sína á áhugasömu og hæfu starfsfólki sem hefur tækifæri til að rækta þekkingu sína og færni í jákvæðu starfsumhverfi. Mosfellsbær er öflugt og framsækið sveitarfélag þar sem gildin virðing, jákvæðni, framsækni og umhyggja eru leiðarljós starfsmanna í daglegu starfi. Hjá Mosfellsbæ starfa um 1200 starfsmenn. Fjölskylduvæn og sveigjanleg mannauðsstefna styður við þá hugmyndafræði að Mosfellsbær sé eftirsóknarverður vinnustaður þar sem atvinna og fjölskylduábyrgð fara saman. Mosfellsbær er heilsueflandi samfélag sem miðar að því að þróa samfélagslegan ramma utan um markvissa og heildræna heilsueflingu, en verkefninu er ætlað að ná til allra aldurshópa í samfélaginu, bæði íbúa og starfsmanna.

Vinnustaðurinn

Leikskólastjóri óskast í nýjan leikskóla í Helgafellslandi

Mosfellsbær leitar að öflugum leiðtoga í stöðu leikskólastjóra nýs leikskóla í Helgafellslandi. Ráðið verður í stöðuna frá vori en byggingu skólans lýkur í sumar og hefst skólastarf þar haustið 2025.

Leitað er að lausnamiðuðum og drífandi einstaklingi með brennandi áhuga á vellíðan og farsæld barna, framsækinni skólaþróun og framúrskarandi leikskólastarfi.

Í leikskólanum er gert ráð fyrir 150 börnum á aldrinum 1-5 ára og mun starfsemin taka mið af menntastefnu Mosfellsbæjar, Heimurinn er okkar.

Helstu verkefni og ábyrgð

Stjórnun og ábyrgð á daglegum rekstri, þjónustu og starfsemi skólans
Fagleg forysta á sviði kennslu og skólaþróunar
Ábyrgð á mannauðsmálum, s.s. ráðningum, vinnutilhögun og starfsþróun
Að leikskólinn starfi samkvæmt viðeigandi lögum og reglugerðum, aðalnámskrá leikskóla og menntastefnu sveitarfélagsins
Virkt og gott samstarf við alla aðila skólasamfélagsins

Menntunar- og hæfniskröfur

Kennaramenntun og leyfisbréf er skilyrði
Viðbótarmenntun á sviði stjórnunar og/eða menntunarfræða er æskileg
Kennslureynsla á leikskólastigi er skilyrði
Leiðtoga- og stjórnunarhæfni, reynsla af stjórnun er æskileg
Framúrskarandi samskiptahæfni, lausnamiðuð hugsun og jákvætt viðmót
Færni í áætlanagerð og fjármálastjórnun er æskileg
Sjálfstæð vinnubrögð, frumkvæði í starfi, skýr framtíðarsýn og faglegur metnaður
Hæfni til að tjá sig í ræðu og riti á íslensku og ensku

Laun fyrir starfið eru samkvæmt kjarasamningi Sambands íslenskra sveitarfélaga og KÍ og FSL.

Umsóknarfrestur er til og með 19. mars 2025.

Umsókn skal fylgja yfirlit yfir nám og fyrri störf, afrit af leyfisbréfi ásamt kynningarbréfi þar sem kemur meðal annars fram framtíðarsýn umsækjanda fyrir leikskólann.

Um er að ræða framtíðarstarf í 100% starfshlutfalli.

Nánari upplýsingar um starfið veitir Ólöf Kristín Sívertsen, sviðsstjóri fræðslu- og frístundasviðs, olofs@mos.is og Kristján Þór Magnússon, sviðsstjóri mannauðs og starfsumhverfis, kristjan@mos.is. Einnig er hægt að hringja í síma 525-6700.

Mosfellsbær leggur áherslu á jafnrétti og hvetur öll áhugasöm til að sækja um starfið.

Auglýsing birt3. mars 2025

Umsóknarfrestur19. mars 2025

Tungumálahæfni