Laus störf Hæfnileit Vinnustaðir Námskeið

Austurkór

Leikskólinn Austurkór er staðsettur við götuna Austurkór í Kórahverfinu í Kópavogi. Í leikskólanum eru 120 börn á sex deildum. Austurkór er lifandi leikskóli í stöðugri þróun þar af leiðandi er skólanámskráin okkar flæðandi. Hún er síbreytileg og tekur mið af því fólki sem er í skólanum hverju sinni, hæfni þeirra og reynslu. Í Austurkór leggjum áherslu á góðan og uppbyggilegan starfsanda. Við viljum að virðing, heiðarleiki og umburðarlyndi ríki í samskiptum starfsfólks. Við viljum skapa það starfsumhverfi að hver og einn geti nýtt hæfni sína og vaxið í starfi. Við leiðbeinum hvert öðru af umhyggju og styðjum í starfi, því okkar leiðarljós er samvinna. Við viljum að börnin sem útskrifast úr skólanum hafi öðlast færni í að vinna í hóp, hlusta á aðra, sýna virðingu og samhygð. Að börnin séu meðvituð um að þau séu virkir þegnar í þjóðfélaginu og hafi rödd sem heyrist. Þau séu atorkusöm og hafi úthald, seiglu og trú á eigin getu.

Vinnustaðurinn

Leikskólastjóri

Leikskólastjóri óskast í leikskólann Austurkór

Leikskólinn Austurkór er sex deilda leikskóli á yndislegum stað við Vífilstaðahlíð. Í leikskólanum eru 100 börn á aldrinum eins – sex ára. Skólastarfið einkennist af flæðandi dagskipulagi, námslotum byggðum á gildum skólans, lýðræðislegum starfsaðferðum og útinámi. Við leggjum áherslu á góðan starfsanda, liðsheild, jákvæð samskipti og lausnamiðaða hugsun.

Leitað er að stjórnanda sem hefur góða hæfni í mannlegum samskiptum, er skipulagður og umbótadrifinn og hefur metnað til að ná árangri í starfi. Viðkomandi þarf að vera leiðtogi í sínum skóla, veita faglega forystu og búa yfir hæfni og frumkvæði til að skipuleggja skapandi leikskólastarf í samvinnu við starfsmenn, forráðafólk og menntasvið.

Einkunnarorð Austurkórs eru samvinna, lýðræði og atorka.

Heimasíðan okkar er: https://austurkor.kopavogur.is/

Helstu verkefni og ábyrgð

Stjórnun og ábyrgð á daglegri starfsemi leikskólans og að unnið sé eftir aðalnámskrá leikskóla og skólanámskrá leikskólans
Vera faglegur leiðtogi leikskólans sem deilir verkefnum og ábyrgð til starfsmanna í samræmi við skólanámskrá
Rekstrarleg ábyrgð á að rekstur leikskólans sé innan ramma fjárhagsáætlunar.
Ábyrgð á starfsmannamálum, svo sem ráðningum, vinnutilhögun og starfsþróun.
Ábyrgð á foreldrasamstarfi.
Upplýsingamiðlun til deildarstjóra og menntasviðs Kópavogsbæjar.
Kynna sér nýjungar í starfi, miðla þekkingu til starfsmanna og hvetja til þróunar og nýbreytni í skólastarfi.

Menntunar- og hæfniskröfur

Kennaramenntun og leyfisbréf kennara. Sérhæfð hæfni á leikskólastigi, sem felur í sér a.m.k. 90 ECTS námseiningar sem tengjast aðalnámskrá leikskóla og menntunarfræðum leikskóla
Framhaldsmenntun (MA, MEd, MBA eða Diplóma að lágmarki) á sviði stjórnunar eða uppeldis- og menntunarfræða
Reynsla af starfi og stjórnun í leikskóla
Reynsla af rekstri leikskóla og gerð og eftirfylgni fjárhagsáætlana æskileg
Forystuhæfileikar og góð færni í mannlegum samskiptum
Fagleg forysta, sýn og vilji til nýbreytni og þróunar í leikskólastarfi
Frumkvæði, lausnamiðuð hugsun og metnaður til að ná árangri í starfi
Góð íslenskukunnátta og færni til að tjá sig bæði í ræðu og riti

Fríðindi í starfi

Starfsfólk Kópavogsbæjar fær frían aðgang að sundlaugum bæjarins

Umsókn skal fylgja starfsferilskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið.

Launakjör eru samkvæmt kjarasamningi Sambands íslenskra sveitarfélaga og viðeigandi stéttarfélags.

Umsóknarfrestur er til og með 4. mars 2026.

Tekið verður mið af jafnréttisstefnu Kópavogsbæjar og jafnréttislögum við ráðningu í starfið.

Allir einstaklingar sem ráðnir eru til starfa á leikskólum Kópavogsbæjar þurfa að gefa heimild til upplýsingaöflunar úr sakaskrá og undirrita trúnaðaryfirlýsingu.

Nánari upplýsingar veitir Sigrún Hulda Jónsdóttir deildarstjóri leikskóladeildar Kópavogsbæjar í netfanginu: [email protected]

Tekið er við umsóknum í gegnum ráðningavef Alfreðs.

Auglýsing birt18. febrúar 2026

Umsóknarfrestur4. mars 2026

Tungumálahæfni