Laus störf Hæfnileit Vinnustaðir Námskeið

Leikskólinn Brákarborg

Í Brákarborg eru 120 börn skipt niður á sex deildir. Unnið er með opinn efnivið, jákvæðan aga og LAUSNAHRINGINN. Brákarborg er einn af elstu leikskólum í Reykjavík og hóf starfsemi sína árið 1952 í húsnæði að Brákarsundi 1. Við erum með 36 stunda vinnuviku fyrir fulla vinnu frá janúar 2021. Við erum í grónu hverfi milli Kleppsvegar og Sæviðarsunds og við Holtaveg til móts við Frístundamiðstöðina Glaðheima. Stutt er í Laugardalinn sem hefur upp á margt að bjóða og nýtist vel í leikskólastarfinu allan ársins hring.

Vinnustaðurinn

Leikskólasérkennari/þroskaþjálfi í Brákarborg

Leikskólasérkennari / Þroskaþjálfi - Brákarborg

Jákvæður og áhugasamur leikskólasérkennari eða þroskaþjálfi óskast til starfa í leikskólanum Brákarborg sem er sex deilda leikskóli í 104 Reykjavík.

Brákarborg leggur áherslu á sjálfstæði barna og unnið er með jákvæðan aga í gegnum LAUSNAHRINGINN.

Unnið er eftir hugmyndafræði Caroline Pratt og John Dewey.

Brákarborg er Hinseginvænn starfsstaður sem hefur hlotið Regnbogavottun Reykjavíkurborgar. Þess vegna er vakin athygli á stefnu Reykjavíkurborgar um jafnan hlut kynja í störfum og að vinnustaðir endurspegli það margbreytilega samfélag sem borgin er.

Reynsla og þekking er mikilvæg. Góð íslenskukunnátta algjört skilyrði.

Helstu verkefni og ábyrgð

Að veita barni með sérþarfir leiðsögn og stuðning í samstarfi við sérkennslustjóra og Lausnateymi ásamt deild barns.
Að eiga samstarf við foreldra, fagaðila og aðra ráðgjafa.
Að vinna að gerð einstaklingsnámskráa og fylgja þeim eftir.
Að sinna þeim verkefnum er varða sérkennslu og öðrum störfum innan leikskólans sem yfirmaður felur honum.

Menntunar- og hæfniskröfur

Leikskólasérkennaramenntun, þroskaþjálfamenntun eða önnur sambærileg menntun
Reynsla af uppeldis- og kennslustörfum með börnum
Sjálfstæð og skipulögð vinnubrögð
Góð færni í samskiptum
Frumkvæði í starfi og faglegur metnaður
Góð íslenskukunnátta skilyrði

Fríðindi í starfi

Sundkort
Menningarkort
Heilsuræktarstyrkur
36 stunda vinnuvika fyrir fullt starf
Samgöngustyrkur

Nánari upplýsingar um starfið veita María Björnsdóttir leikskólastjóri eða Georg Atli Hallsson, aðstoðarleikskólastjóri í síma 411-3120 og í tölvupósti [email protected]

Auglýsing birt23. apríl 2025

Umsóknarfrestur23. maí 2025

Tungumálahæfni