Leikskólinn Höfðaberg

Höfðaberg er útibú frá Lágafellsskóla sem hóf störf skólaárið 2014-15 og er staðsett við Æðarhöfða. Þá voru nemendur við Höfðaberg 124 talsins í þremur fimm ára deildum og fjórum 1. bekkjum. Skólaárið 2021-22 eru nemendur á Höfðabergi 140 talsins í fimm þriggja-fjögurra ára deildum (Lóu-, Spóa-, Kríu-, Uglu- og Lundabergi) og tveimur fimm ára deildum (Blika- og Þrastarbergi). Öll grunnskólabörn eru í vetur komin í aðalbyggingu skólans.

Vinnustaðurinn

Leikskólakennari óskast á Höfðaberg

Má bjóða þér að taka þátt í metnaðarfullu skólastarfi? Viltu vera hluti af góðum og öflugum starfsmannahópi sem vinnur saman að því að mæta ólíkum einstaklingum í skemmtilegum verkefnum?

Höfðaberg er 9 deilda leikskóli með börn á aldrinum þriggja til fimm ára.

Ef ekki tekst að ráða leikskólakennara til starfa kemur til greina að ráða annað starfsfólk með menntun og reynslu sem nýtist í starfi.

Mosfellsbær er öflugt og eftirsótt sveitarfélag þar sem gildin virðing, jákvæðni, framsækni og umhyggja eru leiðarljós starfsmanna í daglegu starfi.

Helstu verkefni og ábyrgð

Vinnur að uppeldi og menntun barna
Tekur þátt í skipulagningu faglegs starfs deildarinnar

Menntunar- og hæfniskröfur

Leyfisbréf kennara með áherslu á leikskólastarf
Áhugi, reynsla og hæfni í starfi með börnum
Jákvæðni, frumkvæði og góður samstarfsvilji
Góð færni í mannlegum samskiptum
Sjálfstæð og skipulögð vinnubrögð
Góð íslensku kunnátta

Fríðindi í starfi

Stytting vinnuviku
Frítt fæði
Sundkort
Líkamsræktarstyrkur

Umsóknarfrestur er til og með 18. júní 2024.

Umsóknir skulu innihalda starfsferilsskrá og kynningarbréf sem greinir frá reynslu, menntun og fyrri störfum ásamt rökstuðningi fyrir hæfni í starfið.

Nánari uppýsingar um starfið veita Tinna Rún Eiríksdóttir leikskólastjóri og Lína Sigríður Hreiðarsdóttir aðstoðarleikskólastjóri í síma: 578-4499.

Öllum umsóknum verður svarað. Laun eru samkvæmt kjarasamningi Sambands ísl. sveitarfélag og viðkomandi stéttarfélags.
Mosfellsbær leggur áherslu á jafnrétti og hvetur öll áhugasöm til að sækja um starfið.

Auglýsing stofnuð7. maí 2024

Umsóknarfrestur18. júní 2024

Tungumálakunnátta