Leikskólinn Árborg, Reykjavík

Árborg er þriggja deilda leikskóli fyrir börn á aldrinum 18 mánaða til sex ára. Leikskólinn er í Árbæjarhverfi í jaðri Elliðaárdalsins. Samtímis eru 64 börn á þremur deildum. Á Bláaland og Rauðalandi eru 24 börn samtímis á aldrinum 3-6 ára og á Grænalandi eru 14 börn á aldrinum tveggja til þriggja ára. Húsnæði leikskólans var byggt 1962. Upphaflega var Árbæjarskóli hér til húsa en 1969 tók leikskólinn til starfa. Haustið ´97 var viðbygging við húsið tekin í notkun, en hún hýsir yngstu deildina, eldhús og starfsmannaaðstöðu.

Vinnustaðurinn

Leikskólakennari / leiðbeinandi óskast

Leikskólinn Árborg í Árbæ

Leikskólakennari/leiðbeinandi óskast til starfa í leikskólann Árborg, við erum til húsa í leikskólahluta Selásskóla, 110 Reykjavík. Leikskólinn Árborg er 3ja deilda leikskóli og felst laus staða í vinnu á deild 3-6 ára nemenda.

Málörvun er ein af okkar helstu áherslum og vinnum við leik og starf með sérstaka áherslu á málörvun. Við vinnum meðal annars með Lubbi finnur málbein, Tákn með tali, ýmis fjölbreytt verkefni, listsköpun, dans, tónlist, útikennslu svo fátt eitt sé nefnt. Við leikum okkur úti alla daga.

Einnig leggjum við mikla áherslu á virðingu, fallega framkomu og gott og öflugt foreldrasamstarf.

- Starfið er laust strax eða eftir samkomulagi.

Helstu verkefni og ábyrgð

Að vinna að uppeldi og menntun leikskólabarna samkvæmt stefnu og skipulagi skólans undir stjórn deildarstjóra.
Að sinna fjölbreyttum verkefnum er varða kennslu, umönnun og uppeldi nemenda.
Foreldrasamstarf, sveigjanleiki og hjálpsemi í starfi er varðar samvinnu á milli deilda.
Að sinna ýmsum störfum innan leiksólans sem yfirmaður felur honum. Næsti yfirmaður er deildarstjóri.

Menntunar- og hæfniskröfur

Leikskólakennaramenntun eða önnur menntun og reynsla sem nýtist í starfi
Virðing og áhugi fyrir börnum
Góð íslenskukunnátta skilyrði
Jákvæðni og lausnarmiðað viðhorf
Góð færni í samvinnu og samskiptum
Reynsla af vinnu með ungum börnum kostur

Fríðindi í starfi

Stytting vinnuvikunnar þar sem í leikskólanum Árborg er 38 klst vinnuvika fullt starf.
Afsláttur af leikskólagjöldum í Reykjavík
Árlegur heilsuræktarstyrkur þegar þú hefur starfað í 6 mánuði
Ókeypis í sundlaugar Reykjavíkurborgar með S-kortinu
Ókeypis bókasafnskort og frítt á söfn með Menningarkortinu

Vakin er athygli á stefnu Reykjavíkurborgar um jafnan hlut kynja í störfum og að vinnustaðir endurspegli það margbreytilega samfélag sem borgin er.

Frekari upplýsingar um starfið veitir:

Sigríður Valdimarsdóttir, leikskólastjóri.

Vinsamlega sækið um starfið í gegnum Alfreð

Auglýsing birt21. október 2024

UmsóknarfresturEnginn

Tungumálahæfni