Austurkór

Kópavogur er næststærsta sveitarfélag landsins með tæplega 31 þúsund íbúa. Nafn bæjarins er dregið af jörðinni Kópavogi sem ríkissjóður átti í byrjun síðustu aldar og leigði út ásamt annarri jörð Digranesi í nágrenni hennar. Kópavogshreppur var stofnaður í byrjun árs 1948 og voru íbúar þá rúmlega 900. Hreppurinn óx hratt og voru íbúar orðnir 3.783 þegar Kópavogur hlaut kaupstaðarréttindi 11. maí árið 1955. Í Kópavogi er mikil og fjölbreytt atvinnustarfsemi. Mest er um iðnað, þjónustu og verslun af ýmsu tagi og má geta þess að Smáralind er stærsta verslunarmiðstöð landsins. Í bænum eru fjölbreytt tækifæri til útivistar og aðstaða til íþróttaiðkunar er með því besta sem þekkist. Þá eru Kópavogsbúar afar stoltir af menningarstofnunum sínum á Borgarholtinu, svo sem Salnum, Gerðarsafni, Náttúrufræðistofu Kópavogs, Tónlistarsafni Íslands og Molanum, ungmennahúsi Kópavogs.

Vinnustaðurinn

Leikskólakennari í Austurkór

Leikskólinn Austurkór leitar að flottum liðsmönnum í fullt starf og í hlutastarf

Leikskólinn Austurkór er sex deilda leikskóli í Kórahverfinu í Kópavogi. Skólastarfið einkennist af flæðandi dagskipulagi, námslotum byggðum á gildi skólans, lýðræðislegum starfsaðferðum og útinámi. Starfshópurinn hefur byggt upp metnaðarfullt starf í fallegum skóla sem einkennist af notalegu vinnuumhverfi og mikilli liðsheild.

Ef þú telur þig eiga erindi í okkar flotta lið, endilega skelltu inn umsókn og ævintýrin gætu beðið þín.

Upplýsingar um skólann og starfsemi hans er hægt að nálgast á: austurkor.kopavogur.is.

Helstu verkefni og ábyrgð

Vinnur að einstaklingsmiðuðu uppeldi og menntun barnanna

Tekur þátt í skipulagi og verkefnum deildarinnar/skólans m.a. í þróunarverkefnum, foreldrasamstarfi, á starfsmannafundum og samstarfi við aðrar stofnanir

Sinnir þeim verkefnum er varða uppeldi og menntun barnanna sem yfirmaður felur honum

Menntunar- og hæfniskröfur

Leikskólakennaramenntun eða önnur uppeldismenntun

Lipurð og sveigjanleiki í samskiptum

Frumkvæði í starfi

Sjálfstæð og skipulögð vinnubrögð

Góð íslenskukunnátta

Ef ekki fæst leikskólakennari kemur til greina að ráða starfsmann með aðra háskólamenntun eða leiðbeinanda.

Laun eru samkvæmt kjarasamningi Sambands íslenskra sveitarfélaga og viðeigandi stéttarfélags.

Umsóknarfrestur er til og með 16. maí 2023. Starfshlutfall er umsemjanlegt.

Bent er á að samkvæmt lögum verða einstaklingar að gefa heimild til upplýsingaöflunar úr sakaskrá, komi til ráðningar.

Öllum umsóknum verður svarað þegar ákvörðun um ráðningu hefur verið tekin.