Leikskólakennari hjá leikskóla Kaldrananeshrepps

Launakjör eru samkvæmt kjarasamningi Sambands íslenskra sveitarfélaga við KÍ. 

Umsóknarfrestur er til og með 21. júní 2026. 

Áhugasamir einstaklingar, óháð kyni, eru hvattir til að sækja um. 

Umsóknum skal skilað til Ástu Þórisdóttur, skólastjóra Grunnskóla Drangsness á netfangið [email protected]. 

Að auki má senda fyrirspurnir til Ástu í síma 663-5319 eða [email protected].

Kaldrananeshreppur er eitt af þremur sveitarfélögum á Ströndum og er þéttbýlisstaður þess þorpið Drangsnes, nokkur byggð er einnig í Bjarnarfirði.
Það búa um 75 manns á Drangsnesi og er aðal atvinnugrein sveitarfélagsins fiskvinnsla og sjósókn. Á Drangsnesi er sundlaug og líkamsrækt, hótel og matsölustaður, verslun og bensínafgreiðsla, samkomuhús og kapella, björgunarsveit og slökkvilið.
Í Bjarnarfirði er rekið hótelið Laugarhóll og sundlaug.

Í Kaldrananeshreppi má finna fjölmargar náttúruperlur og má þar nefna Grímsey í Steingrímsfirði, Gvendarlaug hins góða í Bjarnarfirði og Kerlinguna.

Hólmavík er næsti þjónustukjarni og þar má finna ýmsa þjónustu s.s. þjónustuútibú Vegagerðarinnar, Orkubú Vestfjarða, Vínbúð, Sparisjóð Strandamanna, heilsugæslu og lyfsölu.