Leikskólakennari eða leiðbeinandi í Fögrubrekku
Leikskólakennari eða leiðbeinandi óskast í leikskólann Fögrubrekku.
Leikskólinn Fagrabrekka hóf starfsemi sína 22. desember 1976. Fagrabrekka er fjögurra deilda leikskóli fyrir börn á aldrinum eins árs til sex ára. Starfað er eftir hugmyndafræði Reggio Emilia sem kennd er við samnefnda borg á Ítalíu.
Megin áhersla er lögð á skapandi starf í öllum listgreinum, einnig er lögð áhersla á lýðræðisleg vinnubrögð starfsfólks og barna og getu barna til að afla sér reynslu og þekkingar á sínum eigin forsendum. Tónlist og hreyfing er rauði þráðurinn í starfinu sem stuðlar að vellíðan og hefur í för með sér gleði og ánægju. Einkunnarorð leikskólans virðing, gleði og frumkvæði eru ávallt í forgrunni.
Við óskum eftir metnaðarfullum og skapandi leikskólakennara eða leiðbeinanda til starfa.
Upplýsingar um leikskólann má finna á http://fagrabrekka.kopavogur.is
- Vinnur að uppeldi og menntun barnanna
- Tekur þátt í skipulagningu faglegs starfs deildarinnar undir stjórn deildarstjóra
- Vinnur í nánu samstarfi við foreldra/forráðamenn barnanna
- Sinnir þeim verkefnum er varðar uppeldi og menntun barnanna sem yfirmaður felur honum
- Starfið felur í sér almennt nám ungra barna
- Leikskólakennaramenntun eða önnur uppeldismenntun
- Ef ekki fæst leikskólakennari verður ráðinn starfsmaður með aðra uppeldismenntun eða leiðbeinandi
- Ábyrgur og jákvæður einstaklingur sem á auðvelt með mannleg samskipti
- Sjálfstæð vinnubrögð
- Góð íslenskukunnátta
Starfsfólk Kópavogsbæjar fær frían aðgang að sundlaugum bæjarins
Styttri vinnuvika
Íslenska
