Hafnarfjarðarbær

Hafnarfjarðarbær er þriðja stærsta sveitarfélag landsins og þar starfa um 2000 manns. Áhersla er lögð á að hjá bænum starfi fólk sem getur veitt bestu þjónustu sem völ er á af þekkingu, ábyrgð og metnaði.

Vinnustaðurinn

Leikskóla- og frístundaliði - Leikskólinn Stekkjarás

Leikskólinn Stekkjarás leitar að starfsmanni í leikskóla í 100% starf. Við leitum að áhugasömum og metnaðarfullum einstakling sem hefur reynslu af vinnu með börnum.

Leikskólinn Stekkjarás er átta deilda og er staðsettur í Áslandshverfinu. Leikskólinn starfar eftir aðferðum Reggio Emilia og einkunnarorð leikskólans eru "Hugmyndir barnsins - verkefni dagsins"

Leikskólar Hafnarfjarðar hafa innleitt betri vinnutíma sem miðast við 36 stunda vinnuviku fyrir allt starfsfólk.

Helstu verkefni og ábyrgð

Sinnir uppeldi og menntun barna á leikskóla undir leiðsögn og stjórn deildarstjóra og stjórnenda leikskóla.

Fylgist með og aðstoðar börn í leik og starfi.

Tekur þátt í leikskóla- og frístundastarfi innan leikskólans og öðrum þeim störfum sem fram fara innan skóladagsins.

Fylgist vel með velferð barna og hlúir að þeim andlega og líkamlega í samræmi við eðli og þarfir hvers og eins svo að þau fái notið sín sem einstaklingar.

Tekur þátt og kemur að hugmyndavinnu og skipulagi á tómstunda- og frístundastarfi innan leikskólans.

Aðstoðar börn á matmálstímum og sinnir undirbúningi og frágangi.

Vinnur í samstarfi við foreldra/forráðamenn barnanna undir stjórn deildarstjóra. Situr fundi með foreldrum sem haldnir eru á vegum leikskólans.

Er til stuðnings og aðstoðar við sérfræðinga sem starfa með og sinna börnum með sértækan vanda, eða börnum með einhvers konar fötlun, röskun og /eða sérþarfir (þegar við á)

Starfar samkvæmt lögum og reglugerð um leikskóla, öðrum lögum er eiga við og aðalnámskrá leikskóla.

Önnur verkefni samkvæmt starfslýsingu og sem yfirmaður felur starfsmanni

Menntunar- og hæfniskröfur

Reynsla af uppeldis- eða kennslustörfum æskileg

Reynsla af sambærilegum störfum á leikskóla kostur

Áhugi á faglegu starfi með börnum

Góð samstarfs- og samskiptahæfni

Frumkvæði og skipulögð vinnubrögð

Sjálfstæði í starfi og faglegur metnaður

Geta til að aðlagast breytilegum aðstæðum og vinna undir álagi

Góð íslenskukunnátta

Fríðindi í starfi

Forgangur á leikskóla

Bókasafnskort

Sundkort

Stuðningur til menntunar

Samgöngustyrkur

75% afsláttur af leikskólagjöldum

Heilsuræktarstyrkur

Skilyrði er að viðkomandi hafi hreint sakavottorð.

Nánari upplýsingar um starfið veitir Michelle Sonia Horne leikskólastjóri michelleho@hafnarfjordur.is eða í síma 517-5920 og Harpa Kolbeinsdóttir, aðstoðarleikskólastjóri harpako@hafnarfjordur.is

Umsóknarfrestur er til 30. maí 2023

Fáist faglærður kennari til starfa, nýtur hann forgangs í starfið á grundvelli laga nr. 95/2019. Við hvetjum kennara til að sækja um. Leyfisbréf kennara fylgi umsókn.

Launakjör eru samkvæmt kjarasamningi Sambands íslenskra sveitarfélaga við Verkalýðsfélagið Hlíf, eða KÍ ef kennaramenntaður einstaklingur sækir um starfið.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.

Auglýsing stofnuð22. maí 2023

Umsóknarfrestur30. maí 2023

Starfstegund

Staðsetning

Ásbraut 4, 221 Hafnarfjörður

Starfsgreinar

Starfsmerkingar

Fleiri störf (25)