Leiðtogi umhverfis og framkvæmda
Mosfellsbær leitar að stjórnanda til að koma að mótun og framfylgd stefnumörkunar í umhverfis- og framkvæmdamálum. Viðkomandi ber einnig ábyrgð á umhverfis- og framkvæmdaáætlunum sveitarfélagsins.
Helstu verkefni og ábyrgð:
- Ábyrgð á vinnu við stefnumörkun, samþykktir, gjaldskrár og stefnu málaflokksins og framfylgd stefnumörkunar
- Ábyrgð á kynningu, aðgerðaáætlun og framkvæmd á verkefnum
- Ábyrgð á gerð fjárhagsáætlunar fyrir þá málaflokka sem undir heyra
- Ábyrgð á gerð umhverfis- og framkvæmdaáætlana sveitarfélagsins
- Ábyrgð á mótun starfsáætlunar fyrir umhverfi og framkvæmdir
- Ábyrgð á samræmingu og útfærslu á umhverfisverkefnum sveitarfélagsins
- Ábyrgð á mannauðstengdum verkefnum sem fylgja starfinu, svo sem reglulegum starfsmannafundum, starfsþróun og mælingum á starfsánægju
Menntunar- og hæfniskröfur:
- Háskólamenntun á sviði auðlinda- og umhverfisfræða, náttúrufræða-, raungreina- eða önnur menntun sem nýtist í starfi
- Framhaldsmenntun sem nýtist í starfi
- Reynsla og þekking á stjórnsýslu
- Reynsla og þekking á útboðs- og innkaupamálum er kostur
- Yfirburða samskiptahæfni og þjónustumiðuð hugsun
- Mikið frumkvæði og sjálfstæði í vinnubrögðum
- Góðir skipulagshæfileikar, öguð vinnubrögð og samviskusemi
- Gott vald á upplýsingatækni og framsetningu gagna
- Mjög góð hæfni til að tjá sig í rituðu og töluðu máli, bæði á íslensku og ensku
Umsókn óskast fyllt út á www.intellecta.is og þarf henni að fylgja starfsferilskrá og kynningarbréf þar sem gerð er grein fyrir ástæðu umsóknar og hæfni umsækjanda sem nýtist í starfi. Umsóknarfrestur er til og með 16. júní 2023.
Laun eru samkvæmt samningi Sambands íslenskra sveitarfélaga og viðkomandi stéttarfélaga.
Um er að ræða framtíðarstarf í 100% starfshlutfalli.
Nánari upplýsingar veita Thelma Kristín Kvaran (thelma@intellecta.is) og Katrín Dóra Þorsteinsdóttir starfandi mannauðsstjóri (katrin@mos.is).
Mosfellsbær leggur áherslu á jafnrétti og hvetur öll áhugasöm til að sækja um starfið, óháð kyni, fötlun eða menningarlegum bakgrunni.
