Mosfellsbær

Mosfellsbær er sjöunda stærsta bæjarfélag á Íslandi með rúmlega 14.000 íbúa. Sveitarfélagið er staðsett í útjaðri höfuðborgarsvæðisins. Mosfellsbær byggir þjónustu sína á áhugasömu og hæfu starfsfólki sem hefur tækifæri til að rækta þekkingu sína og færni í jákvæðu starfsumhverfi. Mosfellsbær er öflugt og framsækið sveitarfélag þar sem gildin virðing, jákvæðni, framsækni og umhyggja eru leiðarljós starfsmanna í daglegu starfi. Hjá Mosfellsbæ starfa um 1200 starfsmenn. Fjölskylduvæn og sveigjanleg mannauðsstefna styður við þá hugmyndafræði að Mosfellsbær sé eftirsóknarverður vinnustaður þar sem atvinna og fjölskylduábyrgð fara saman. Mosfellsbær er heilsueflandi samfélag sem miðar að því að þróa samfélagslegan ramma utan um markvissa og heildræna heilsueflingu, en verkefninu er ætlað að ná til allra aldurshópa í samfélaginu, bæði íbúa og starfsmanna.

Vinnustaðurinn

Leiðtogi í uppbyggingu og framkvæmdum

Staða rekstrarstjóra Eignasjóðs

Við leitum að framsæknum og talnaglöggum leiðtoga til að stýra umfangsmikilli uppbyggingu, nýframkvæmdum og eignaumsjón í ört vaxandi sveitarfélagi.

Mikilvægt er að rekstrarstjóri hafi farsæla reynslu af mannauðs- og fjármálastjórnun, hafi þekkingu á rekstri sveitarfélaga og ríka þjónustulund.

Helstu verkefni og ábyrgð

Ábyrgð á nýframkvæmdum mannvirkja, lóða, gatna og veitna
Ábyrgð á eignaumsjón
Ábyrgð á gerð og eftirfylgni fasteignastefnu
Ábyrgð á áhættustýringu verkefna Eignasjóðs
Ábyrgð á endurbótum mannvirkja, lóða, gatna og veitna

Menntunar- og hæfniskröfur

Háskólamenntun sem nýtist í starfi s.s. viðskiptafræði, fjármála- eða rekstrarverkfræði eða annað sambærilegt nám
Framhaldsmenntun sem nýtist í starfi
Farsæl reynsla af stjórnun fjármála og mannauðs
Framúrskarandi samskiptahæfni og þjónustumiðuð hugsun
Jákvæðni og lausnamiðuð vinnubrögð
Reynsla og þekking á samningagerð, útboðs- og innkaupamálum
Þekking á opinberri stjórnsýslu
Mikið frumkvæði og sjálfstæði í vinnubrögðum
Góðir skipulagshæfileikar og öguð vinnubrögð
Gott vald á aðferðum og tólum til greiningar og áætlunargerðar
Gott vald á upplýsingatækni og þekkingu á framsetningu gagna
Framúrskarandi hæfni til að tjá sig í rituðu og töluðu máli, bæði á íslensku og ensku