Leiðtogi barna og ungmenna í Borgarbyggð
Borgarbyggð óskar eftir að ráða metnaðarfullan og áhugasaman leiðtoga í starf forstöðumanns félagsmiðstöðvar og ungmennahúss í Borgarbyggð. Viðkomandi þarf að hafa drifkraft og seiglu til að drífa áfram spennandi verkefni.
Um er að ræða 100% starf og þarf viðkomandi að geta hafið störf sem fyrst. Í félagsmiðstöðunni Óðal þjónustum við börn og ungmenni í Borgarbyggð á aldrinum 10-16 ára.
Meginhlutverk félagsmiðstöðvarinnar Óðals er að bjóða börnum og ungmennum innihaldsríkt tómstundastarf. Í Óðal bjóðum við öllum börnum og ungmennum þátttöku í fjölbreyttu tómstundastarfi með það að markmiði að efla sjálfstraust og félagsfærni þeirra.
Unnið er að því að endurvekja Mími ungmennahús fyrir ungmenni á aldrinum 16 - 25 ára og mun leiðtogi taka þátt í að leiða þá vinnu. Við viljum bjóða upp á starfsemi sem einkennist af öryggi, fagmennsku og virðingu þar sem við leggjum mikla áherslu á jákvæð samskipti og að valdefla ungmenni til lýðræðislega starfshátta.
- Skipulagning, undirbúningur og framkvæmd félagsmiðstöðvastarfs í samráði við starfsfólk og þátttakendur í starfinu.
- Ber ábyrgð á að efla virkni, ábyrgð, sjálfsmynd og sjálfstæði barna og ungmenna í félagsmiðstöðvum með fjölbreyttum og aldursviðeigandi viðfangsefnum.
- Leita leiða til að ná til þeirra barna og ungmenna sem þurfa stuðning í frístundum sínum og/eða þurfa á félagslegum stuðningi að halda.
- Vinna að ýmsum samstarfsverkefnum á milli þeirra sem koma að málefnum barna og ungmenna í samfélaginu.
- Ber ábyrgð á stjórnun, leiðsögn, þjálfun og þróun starfsmanna.
- Skipulagning, undirbúningur og framkvæmd forvarnaverkefna og fræðslu.
- Yfirumsjón með vinnuskóla Borgarbyggðar og sumarnámskeiðum fyrir 5.-7. bekk.
- Menntun sem nýtist í starfi.
- Reynsla af starfi með börnum/ungmennum.
- Framúrskarandi hæfni í mannlegum samskiptum.
- Frumkvæði, skipulagshæfileikar og jákvæðni.
- Reynsla af félags- og tómstundastarfi.
- Reynsla af stjórnun.
- Góð íslenskukunnátta og almenn tölvukunnátta.
- Hreint sakavottorð í samræmi við lög og reglur Borgarbyggðar.
- 36 klst. vinnuvika
- Heilsustyrkur til starfsmanna
- Sveiganlegur vinnutími
- Ýmis afsláttarkjör
Íslenska
Enska
