Sóltún heilbrigðisþjónusta

Undir merkjum Sóltúns heilbrigðisþjónustu er m.a. rekið hjúkrunarheimilið Sóltún við Sóltún 2, hjúkrunarheimilið Sólvangur í Hafnafirði auk endurhæfingarþjónustu og heimaþjónustu.

Vinnustaðurinn

Leiðtogi á Sólvangi, miðstöð öldrunarþjónustu Sóltúns

Við leitum að drífandi leiðtoga með mikla stjórnunarreynslu og skýra rekstrarsýn til að taka virkan þátt í að móta framtíð heilbrigðisþjónustu með fjölbreyttum og framsæknum þjónustuúrræðum.

Forstöðumaður Sóltúns á Sólvangi ber ábyrgð á rekstri hjúkrunarheimilis, dagdvala, heimaþjónustu og endurhæfingu fyrir aldraða. Um er að ræða umfangsmikið og krefjandi starf sem snýst um að leiða starfsemina, skapa jákvætt og hvetjandi starfsumhverfi, þar sem gæði þjónustu, vellíðan skjólstæðinga og teymisvinna er í forgrunni.

Helstu verkefni og ábyrgð

Leiða hjúkrunarstarf og tryggja hámarks gæði hjúkrunarþjónustu með áherslu á öryggi og vellíðan skjólstæðinga.
Þróa og innleiða breytingar. Stýra þróunarverkefnum og umbótastarfi, með áherslu á nýsköpun og skilvirkni.
Leiða teymi, styrkja samstarf og efla stjórnendur og starfsfólk í störfum sínum. Byggja upp jákvætt vinnuumhverfi og styðja við faglega þróun.
Tryggja rekstrarlega hagkvæmni. Skipuleggja og hafa yfirumsjón með rekstri heimilisins, í takt við fjárhagsáætlanir og stefnu.
Uppbygging og þróun á Sóltúni Heima, ábyrgð á rekstri, stefnumótun og þróun heimaþjónustu.
Uppbygging og þróun á Sóltúni Heilsusetri, ábyrgð á rekstri, stefnumótun og þróun endurhæfingarúrræðis fyrir aldraða.
Forstöðumaður situr í framkvæmdaráði Sóltúns þar sem helstu ákvarðanir félaganna eru teknar.

Menntunar- og hæfniskröfur

Íslenskt hjúkrunarleyfi eða heilbrigðismenntun sem nýtist í starfi
Meistaragráða sem nýtist í starfi er kostur
Umfangsmikil reynsla af stjórnunarstörfum og þekking á rekstri heilbrigðisstofnana
Þekking á breytingastjórnun og geta til að leiða breytingar
Mikil hæfni í samskiptum, teymisvinnu og jákvæðri forystu
Lausnamiðuð hugsun, gróskuhugarfar og vilji til að taka frumkvæði í verkefnum
Góð skipulagshæfni og geta til að vinna undir álagi
Glöggt auga fyrir tækifærum, frumkvæði og drifkraftur
Tengslanet við stjórnsýslu á sveitarstjórnar- eða ríkisvettvangi er kostur

Um er að ræða spennandi tækifæri til að taka þátt í umbreytingum og þróun heilbrigðisþjónustu í traustu og jákvæðu starfsumhverfi. Sóltún leggur mikla áherslu á gæði þjónustu, nýsköpun og vellíðan bæði skjólstæðinga og starfsfólks.

Sóltún heilbrigðisþjónusta rekur miðstöð öldrunarþjónustu Sóltúns á Sólvangi og ásamt hjúkrunarheimilinu Sóltúni í Reykjavík. Hjá félaginu starfa um 450 manns í 250 stöðugildum. Sóltún heilbrigðisþjónusta er í eigu Íslenskrar fjárfestingar ehf.

Um er að ræða fullt starf. Umsóknarfrestur er til og með 13. janúar 2025.

Allar nánari upplýsingar gefur Halla Thoroddsen, forstjóri – halla@soltun.is

Auglýsing birt3. janúar 2025

UmsóknarfresturEnginn

Tungumálahæfni