Leiðbeinandi á vinnustofu í garðyrkju á Sólheimum
Sólheimar í Grímsnesi óska eftir að ráða leiðbeinanda á vinnustofu í Garðyrkjustöðinni Sunnu.
Leitað er eftir jákvæðum og hugulsömum einstaklingi með ríka þjónustulund, áhuga á málefnum fatlaðs fólks og lífrænni ræktun.
Leiðbeinandi á vinnustofum í Garðyrkjustöðinni Sunnu aðstoðar fatlað fólk við vinnu og athafnir daglegs lífs.
Staðan er laus nú þegar. Viðkomandi aðili þyrfti að geta hafið störf sem fyrst.
Upplýsingar um starfið veita forstöðumaður á vinnustofum, Karen Ósk Sigurðardóttir, karen@solheimar.is og garðykjustjóri Garðyrkjustöðvarinnar Sunnu, Ína Kjartansdóttir ina@solheimar.is.
Helstu verkefni og ábyrgð:
Veita einstaklingsmiðaða aðstoð við fatlað fólk í vinnu, kaffipásum, samskiptum og athöfnum daglegs lífs út frá persónumiðuðum þörfum hvers og eins.
Taka virkan þátt í að skapa gott, vinsamlegt og valdeflandi starfsumhverfi.
Taka þátt í að hvetja til virkni, þjálfunar og þátttöku.
Aðstoða við að sinna undirbúningi og frágangi á verkefnum.
Menntunar- og hæfniskröfur:
- Góð íslenskukunnátta
- Sveigjanleiki og hæfni í mannlegum samskiptum
- Frumkvæði, jákvæðni og sjálfstæð vinnubrögð
- Starfsmaður skal vera reyklaus og reglusamur
- Starfsmaður skal hafa hreint sakavottorð
- Reynsla af umönnunarstörfum æskileg
- Reynsla af garðyrkjustörfum ekki nauðsynleg en til bóta
Sólheimar er sjálfbært samfélag þar sem um 110 einstaklingar búa og starfa saman. Þar er m.a. rekin, verslun, kaffihús, íþróttahús og sundlaug. Á vinnustofum fer fram fjölbreytt starfsemi fyrir fatlað fólk í garðyrkju, leirgerð, vefstofu, smíðastofu, listasmiðju og í kertagerð.
