Laus störf Hæfnileit Vinnustaðir Námskeið

Múlaþing

Múlaþing er sveitarfélag á Austurlandi sem samanstendur af fjórum byggðarkjörnum; Borgarfirði, Djúpavogi, Egilsstöðum og Seyðisfirði. Sveitarfélagið er eitt víðfeðmasta sveitarfélag landsins, en það spannar rúm 10% af flatarmáli Íslands. Íbúar Múlaþings eru um það bil 5300 talsins og af þeim starfa að jafnaði hjá sveitarfélaginu í kringum 630 manns. Starfsemi sveitarfélagsins er mjög fjölbreytt en innan þess er allt frá skrifstofustörfum í stjórnsýslu sveitarfélagsins og sólarhrings umönnunarþjónustu - yfir í rekstur hafnarmannvirkja, leik- tónlist- og grunnskóla, skólaþjónustu, félagsþjónustu, slökkviliða, hæfingastöðvar, vinnuskóla, bókasafna, menningarmiðstöðva, dagþjónustu aldraðra, mötuneyta, þjónustumiðstöðva, íþróttamiðstöðva og sundlauga. Störf inan sveitarfélagsins snerta þannig samfélagið allt á einn eða annan hátt. Stjórnsýsla Múlaþings skiptist í þrjú svið en þau eru stjórnsýslu- og fjármálasvið, fjölskyldusvið og umhverfis- og framkvæmdarsvið. Undir þessi svið falla síðan öll störf hjá sveitarfélaginu. Múlaþing vill skapa góðan, eftirsóknarverðan og öruggan vinnustað með hamingjusömu starfsfólki sem ber virðingu fyrir hvert öðru. Sveitarfélagið leggur áherslu á heilbrigði og vellíðan og að vinnustaðurinn sé laus við hvers kyns ofbeldi. Þá vill sveitarfélagið laða að fólk með þekkingu og efla starfsþróun. Sveitarfélagið leggur áherslu á að taka vel á móti nýju starfsfólki. Með þjálfun starfsfólks og markvissri endurgjöf stjórnenda er stuðlað að frekari þekkingu og færni sem skilar betri árangri og skapar jákvæð tengsl. Múlaþing vill veita góða þjónustu og skapa traust með faglegum vinnubrögðum og verklagi. Með vel skilgreindum verkferlum skal lágmarka mistök og koma í veg fyrir mismunun. Vinnustaðurinn Múlaþing er framsækinn, tekst á við áskoranir og skipar sér í forystu þegar kemur að þróun í samfélaginu. Í stóru samfélagi myndast ýmis tækifæri og er starfsfólki Múlaþings treyst til að fylgja eftir þeim hugmyndum sem kunna að vakna.

Vinnustaðurinn

Lausar stöður leikskólakennara

Í Múlaþingi eru starfandi 6 leikskólar í jafnmörgum byggðarkjörnum.

Bjarkatún á Djúpavogi

Leikskólinn Bjarkatún er 2 deilda leikskóli með 37 börn staðsettur á Djúpavogi sem þekkt er fyrir fallegt umhverfi og útivistarsvæði. Leikskólinn vinnur eftir hugmyndafræði Cittaslow, Grænfána og Uppeldi til ábyrgðar. Samvinna, traust og virðing eru lykilorð okkar í leikskólanum.

Brúarás, Jökulsárshlíð

Í Brúarási er rekinn einnar deildar leikskóli með nemendur á aldrinum eins til sex ára. Leikskólinn er partur af samrekinni skólastofnun í Brúarási og mikið flæði milli skólastiga. Starfstími leikskólans er frá fyrstu starfsdögum grunnskólans til þess síðasta á vorin.

Glaumbær, Borgarfirði eystri

Glaumbær er einnar deildar leikskóli með nemendur á aldrinum eins til sex ára. Leikskólinn er rekinn sem hluti af samrekinni skólastofnum með Grunnskóla Borgarfjarðar eystri. Mikið flæði er á milli skólastofnana.

Leikskóladeild Seyðisfjarðaskóla, Seyðisfirði

Seyðisfjarðarskóli er samrekinn leik-, grunn- og listaskóli staðsettur á þremur nálægum starfsstöðvum í miðbæ Seyðisfjarðarkaupstaðar. Leikskólinn verður tveggja deilda leikskóli næsta skólaár með um 30 nemendur. Unnið er með uppeldisstefnuna Uppeldi til ábyrgðar í öllum deildum Seyðisfjarðarskóla. Einkunnarorð skólans eru: Í hverju barni býr fjársjóður.

Hádegishöfði, Fellabæ

Hádegishöfði er tveggja deilda leikskóli í Fellabæ sem starfar í anda Reggio Emilia, áhersla er á umhverfismennt og er Hádegishöfði skóli á grænni grein. Megináherslu í daglegu starfi eru að efla sjálfstæði, gleði og sköpun barna sem og virðingu þeirra fyrir sjálfum sér og öðrum.

Tjarnarskógur, Egilsstöðum

Leikskólinn Tjarnarskógur er 9 deilda leikskóli með 180 börn á tveimur starfsstöðvum. Leikskólinn horfir til fjölgreindarkenningar Howard Gardners í starfsaðferðum sínum og einkunarorð skólans eru: Gleði, virðing, samvinna og fagmennska.

Leikskólakennara vantar í eftirfarandi skóla:

Bjarkatún
Brúarás
Leikskóladeild Seyðisfjarðarskóla
Hádegishöfða
Tjarnarskógi

Helstu verkefni og ábyrgð:

Starfið felur í sér almenna kennslu.
Vinnur að einstaklingsbundnu uppeldi og menntun barnanna
Tekur þátt í skipulagningu faglegs starfs deildarinnar undir stjórn næsta yfirmanns
Vinnur í nánu samstarfi við foreldra/forráðamenn barnanna.

Deildarstjóra vantar í eftirfarandi skóla:

Tjarnarskóg í 100% starf.

Helstu verkefni og ábyrgð:

Ber ábyrgð á stjórnun, skipulagningu, framkvæmd og mati starfsins á deildinni.
Annast daglega verkstjórn á deildinni og ber ábyrgð á að miðla upplýsingum innan deildarinnar, milli deilda leikskólans og milli leikskólastjóra og deildarinnar.
Ber ábyrgð á og stýrir deildarfundum og skipuleggur undirbúningstíma starfsfólks deildarinnar.

Menntunar- og hæfniskröfur

Leikskólakennaramenntun. Ef ekki fæst leikskólakennari verður ráðinn starfsmaður með aðra uppeldismenntun eða leiðbeinandi.

Góð hæfni í mannlegum samskiptum.

Sveigjanleiki, áreiðanleiki og stundvísi.

Frumkvæði í starfi.

Sjálfstæð og skipulögð vinnubrögð.

Nánari upplýsingar um leikskólana má finna á heimasíðu Múlaþings, https://www.mulathing.is/is/thjonusta/menntun/leikskolar.

Umsóknarfrestur er til 15. júní 2021

Launakjör eru samkvæmt kjarasamningum sveitarfélagsins og viðkomandi stéttarfélags.

Einstaklingar af öllum kynjum eru hvattir til að sækja um stöðuna.

Nánari upplýsingar veitir Marta Wium Hermannsdóttir á netfanginu [email protected].

Öllum umsóknum skal fylgja yfirlit yfir nám og/eða fyrri störf og kynningarbréf.

Umsækjendum er bent á að kynna sér fræðslubréf um vinnslu Múlaþings á persónuupplýsingum starfsumsækjenda, sem finna má á heimasíðu sveitarfélagsins www.mulathing.is

Þeir sem ráðnir eru til starfa hjá félagsþjónustu, skólum og frístund þurfa að veita heimild til að leitað sé upplýsinga úr sakaskrá hjá Ríkissaksóknara. Vinnustaðir Múlaþings eru reyklausir og fjölskylduvænir.

Auglýsing birt2. júní 2021

Umsóknarfrestur15. júní 2021

Tungumálahæfni

Engar sérstakar tungumálakröfur

Staðsetning

Lyngás 12, 700 Egilsstaðir

Starfstegund

Hæfni