Laus störf Hæfnileit Vinnustaðir Námskeið

Leikskólinn Hádegishöfði Fellabæ

Hádegishöfði er þriggja deilda leikskóli fyrir börn á aldrinum eins til sex ára. Hádegishöfði rúmar um 60 nemendur samtímis. Leikskólinn starfar í anda hugmyndafræði Reggio Emilia. Lögð er áhersla á lýðræði í vinnubrögðum, takmarkalaust traust auk virðingar fyrir nemendum og getu þeirra til að afla sér þekkingar og reynslu á eigin forsendum. Á Hádegishöfða er einnig sérstök áhersla á umhverfismennt og skapandi starf. Hádegishöfði flaggar Grænfána Landverndar. Megináherslur í daglegu starfi eru að efla sjálfstæði, gleði og sköpun nemenda sem og virðingu þeirra fyrir sjálfum sér og öðrum.

Vinnustaðurinn

Laus staða leikskólakennara

Hádegishöfði auglýsir lausar til umsóknar 100% stöðu leikskólakennara. Hlutastarf kemur einnig til greina. Starfið er laust frá og með áramótum.

Einnig er möguleiki á starfi sérkennslustjóra í afleysingu vegna leyfis.

Hádegishöfði er þriggja deilda leikskóli sem rekinn er í nýju og glæsilegu húsnæði að Fellabrún 9 í Fellabæ. Á Hádegishöfða er unnið að innleiðingu jákvæðs aga og starfar leikskólinn í anda hugmyndafræði Reggio Emilia. Hádegishöfði er skóli á grænni grein og flaggar grænfána Landverndar.

Ef ekki fæst kennari verður skoðað að ráða aðila með aðra uppeldismenntun eða leiðbeinanda.

Næsti yfirmaður er leikskólastjóri.

Helstu verkefni og ábyrgð

Vinnur undir stjórn deildarstjóra að uppeldi og menntun leikskólabarna samkvæmt starfslýsingu leikskólakennara

Menntunar- og hæfniskröfur

Leyfisbréf sem kennari (leyfisbréf fylgi umsókn)
Góð hæfni í mannlegum samskiptum
Áhugi á að vinna með börnum
Sveigjanleiki, áreiðanleiki og stundvísi
Frumkvæði í starfi og faglegur metnaður
Sjálfstæð og skipulögð vinnubrögð
Góð íslenskukunnátta
Hreint sakavottorð

Fríðindi í starfi

Heilsueflingarstyrkur

Nánari upplýsingar um leikskólann, Hádegishöfði | Múlaþing

Launakjör eru samkvæmt kjarasamningum sveitarfélagsins og viðkomandi stéttarfélags. Öllum umsóknum skal fylgja yfirlit yfir nám og/eða fyrri störf ásamt kynningarbréfi.

Innleidd hefur verið styttri vinnuvika. Tekið er mið af jafnréttisáætlun Múlaþings við ráðningar hjá sveitafélaginu.

Nánari upplýsingar veitir Guðmunda Vala Jónasdóttir, skólastjóri, í síma 470-0670 eða á netfanginu [email protected]

Umsækjendum er bent á að kynna sér fræðslubréf um vinnslu Múlaþings á persónuupplýsingum starfsumsækjenda, sem finna má á heimasíðu sveitarfélagsins www.mulathing.is.

Þeir sem ráðnir eru til starfa hjá félagsþjónustu, skólum og frístund þurfa að veita heimild til að leitað sé upplýsinga úr sakaskrá hjá Ríkissaksóknara. Vinnustaðir Múlaþings eru reyklausir og fjölskylduvænir.

Auglýsing birt28. nóvember 2025

Umsóknarfrestur14. desember 2025

Tungumálahæfni