Leikskólinn Bjarkatún Djúpavogi

Bjarkatún er tveggja deilda leikskóli sem er með pláss fyrir 28 börn frá eins árs til sex ára. Gott útisvæði er fyrir börnin auk þess sem leikskólinn er staðsettur í mikilli nálægð við ósnortna náttúru. Leikskólinn er Grænfána- og Cittaslowskóli en Djúpivogur er aðili að Cittaslow hreyfingunni.

Vinnustaðurinn

Leikskólinn Bjarkatún auglýsir eftir deildarstjóra

Bjarkatún auglýsir lausa til umsóknar stöðu deildarstjóra frá 5. ágúst 2025.

Leikskólinn Bjarkatún er 2 deilda leikskóli með 28 börn staðsettur á Djúpavogi sem þekkt er fyrir fallegt umhverfi og útivistarsvæði. Leikskólinn vinnur eftir hugmyndafræði Cittaslow og Uppeldi til ábyrgðar. Samvinna, traust og virðing eru lykilorð okkar í leikskólanum.

Helstu verkefni og ábyrgð

Að vinna að uppeldi og menntun leikskólabarna samkvæmt starfslýsingu Deildarstjóra
Að bera ábyrgð á uppeldis- og menntunarstarfinu sem fram fer á deildinni
Að sjá um skipulagningu, stjórnun og mat á starfi deildarinnar
Að bera ábyrgð á að unnið sé eftir skólanámskrá
Að bera ábyrgð á foreldrasamvinnu

Menntunar- og hæfniskröfur

Leyfisbréf sem kennari (leyfisbréf fylgi umsókn).
Reynsla af starfi deildarstjóra í leikskóla er æskileg
Reynsla af vinnu í leikskóla er æskileg
Góð hæfni í mannlegum samskiptum
Áhugi á að vinna með börnum
Frumkvæði í starfi og faglegur metnaður
Sjálfstæð og skipulögð vinnubrögð
Góð íslenskukunnátta
Hreint sakavottorð

Fríðindi í starfi

Heilsustyrkur

Umsóknarfrestur er til 30. apríl n.k..

Launakjör eru samkvæmt samningum launanefndar sveitarfélaga við viðkomandi stéttarfélag.

Tekið er mið af jafnréttisáætlun Múlaþings við ráðningar hjá sveitafélaginu

Nánari upplýsingar veitir Guðrún Sigríður Sigurðardóttir, leikskólastjóri, í síma 470-8720 eða á netfanginu [email protected].

Öllum umsóknum skal fylgja yfirlit yfir nám og/eða fyrri störf og kynningarbréf.

Tekið er við umsóknum í starfið á heimasíðu Múlaþings www.mulathing.is undir flipanum „laus störf“ eða á starfasíðu Múlaþings hjá www.alfred.is.

Umsækjendum er bent á að kynna sér fræðslubréf um vinnslu Múlaþings á persónuupplýsingum starfsumsækjenda, sem finna má á heimasíðu sveitarfélagsins www.mulathing.is.

Þeir sem ráðnir eru til starfa hjá leikskólanum þurfa að veita heimild til að leitað sé upplýsinga úr sakaskrá hjá Ríkissaksóknara.Vinnustaðir Múlaþings eru reyklausir og fjölskylduvænir.

Auglýsing birt20. mars 2025

Umsóknarfrestur30. apríl 2025

Tungumálahæfni