Lágafellsskóli

Lágafellsskóli er heildstæður grunnskóli fyrir nemendur í Mosfellsbæ. Skólinn samanstendur af góðu starfsfólki sem vinnur saman að því að mæta ólíkum einstaklingum í krefjandi verkefnum. Unnið er í anda uppbyggingarstefnunnar þar sem meigináherslan er að byggja upp sjálfstraust og að leiðbeina nemandanum til að verða sá sem hann vill verða. Á lóð skólans við Lækjarhlíð eru 3 lausar kennslustofur sem nýttar eru til kennslu og félagsstörf unglinga. Í Lágafellsskóla við Lækjarhlíð fer starfsemi 1. bekkjar - 10. bekkjar fram. Nemendur í 1.-10. bekk eru um 600. Skólinn er deildaskiptur í yngsta - mið - og unglingastig. Að kennslu lokinni gefst nemendum 1.-4. bekkjar kostur á lengri viðveru í Frístund skólans sem starfrækt er innan skólans.

Vinnustaðurinn

Lágafellsskóli - Þroskaþjálfi/iðjuþjálfi

Lágafellsskóli leitar að þroskaþjálfa/iðjuþjálfa til starfa

Má bjóða þér að taka þátt í metnaðarfullu skólastarfi? Viltu vera hluti af góðum og öflugum starfsmannahópi sem vinnur saman að því að mæta ólíkum einstaklingum í krefjandi verkefnum?

Lágafellsskóli í Mosfellsbæ er heildstæður grunnskóli sem vinnur í anda uppbyggingarstefnunnar.

Þroskaþjálfi/iðjuþjálfi vinnur með kennurum og öðrum samstarfsaðilum að námi og þroska nemenda sem þurfa á auknum stuðningi að halda. Hann annast þroska- og atferlisþjálfun nemenda og veitir ráðgjöf og leiðsögn til samstarfsaðila.

Mosfellsbær er öflugt og framsækið sveitarfélag þar sem gildin virðing, jákvæðni, framsækni og umhyggja eru leiðarljós starfsmanna í daglegu starfi.

Helstu verkefni og ábyrgð

Annast námsaðlögun og stuðning við fjölbreyttan nemendahóp í samvinnu við umsjónarkennara.
Stuðla að velferð nemenda í góðu samstarfi við foreldra/forráðamenn og stoðþjónustu skólans.
Vinna með kennurum að gerð einstaklingsnámskráa og námsumhverfis sem hæfa ólíkum þörfum nemenda.
Æskilegt að viðkomandi hafi ART réttindi

Menntunar- og hæfniskröfur

Leyfi til að nota starfsheitið þroskaþjálfi/iðjuþjálfi
Þekking og reynsla af vinnu með nemendum með fjölþættan vanda
Áhugi á starfi með börnum og metnaður til að þróa öflugt skólastarf
Góð færni í samvinnu og teymisvinnu
Frumkvæði, sjálfstæði og skipulögð vinnubrögð
Góð íslensku kunnátta

Umsóknarfrestur er til og með 30.maí 2024

Umsóknir skulu innihalda starfsferilsskrá og kynningarbréf sem greinir frá reynslu, menntun og fyrri störfum ásamt rökstuðningi fyrir hæfni í starfið. Nánari upplýsingar um starfið veitir Lísa Greipsson, skólastjóri í síma 525-9200.

Um framtíðarstarf er að ræða. Öllum umsóknum verður svarað. Laun eru samkvæmt kjarasamningi Sambands ísl. sveitarfélaga og viðkomandi stéttarfélags. Ráðið er í öll störf óháð kyni.

Auglýsing stofnuð15. maí 2024

Umsóknarfrestur29. maí 2024

Tungumálahæfni