Læknir í hlutastarf við starfstengda heilbrigðisþjónustu

Vegna aukinna umsvifa viljum við bæta við teymið okkar og leitumst eftir að ráða öflugan lækni til að slást í för með okkur.

Um er að ræða dagvinnu – starfshlutfall eftir samkomulagi.

Vinnuvernd er framsækið þjónustu- og ráðgjafafyrirtæki sem leitast eftir því að efla heilbrigði einstaklinga og vellíðan á vinnustöðum. Hjá okkur starfar reynslumikill hópur fagfólks sem hefur sérhæft sig í þjónustu við stofnanir, atvinnulífið og einstaklinga. Teymið okkar samanstendur af hjúkrunarfræðingum, læknum, sálfræðingum, iðjuþjálfa, sjúkraþjálfara og móttökustjóra, en öll sameinum við krafta okkar í faglegri þjónustu til viðskiptavina.

Í dag þjónustum við stolt fjölmörg íslensk fyrirtæki, stofnanir og sveitarfélög og fer þeim ört fjölgandi.

Við erum á spennandi vegferð og viljum bæta góðu fólki við frábæra hópinn okkar!

Við hlökkum til að heyra frá þér!