Þjóðminjasafn Íslands

Þjóðminjasafn Íslands er vísinda- og þjónustustofnun í eigu íslenska ríkisins. Því er ætlað að vera miðstöð þjóðminjavörslu og rannsókna á menningarsögulegum minjum í landinu. Hlutverk þess er að auka og miðla þekkingu á menningararfi íslensku þjóðarinnar frá upphafi til vorra daga og stuðla að því að sem flestir geti haft gagn og gaman af sögu og minjum lands og þjóðar. Meginhluti safnhússins hýsir grunnsýningu Þjóðminjasafnsins: Þjóð verður til - menning og samfélag í 1200 ár.

Vinnustaðurinn

Kynningarstjóri

Þjóðminjasafn Íslands auglýsir laust til umsóknar starf kynningarstjóra. Í boði er áhugavert og krefjandi starf með fjölbreyttum verkefnum fyrir metnaðarfullan einstakling. Við leitum að skapandi og markmiðasæknum einstaklingi sem hefur áhuga á fjölbreyttri miðlun.

Starfið felst í að efla sýnileika safnsins, styrkja ímynd þess, annast markaðssetningu og miðla starfseminni á lifandi og aðgengilegan hátt til almennings. Kynningarstjóri ber jafnframt ábyrgð á vefsíðu safnsins og öðrum stafrænum miðlum þess.

Kynningarstjóri heyrir undir framkvæmdastjóra þjónustusviðs. Sviðið sér meðal annars um móttöku gesta, fræðslu fyrir skólahópa, ferðafólk og almenna gesti, skipulagningu viðburða, sýningahald, framleiðslu á vörum auk rekstur safnbúðar og kaffihúss. Kynningarstjóri starfar þvert á svið safnsins í verkefnum sínum.

Vinnustaðurinn okkar er fjölbreyttur og lifandi, þar sem sköpun, fræðsla og varðveisla menningararfsins fléttast saman í hvetjandi og framsæknu umhverfi.

Helstu verkefni og ábyrgð

Umsjón með markaðs- og kynningarmálum
Umsjón með gestaþróun (e. audience development)
Umsjón með stafrænum miðlum og vefsíðu auk ritstjórnar
Frétta- og greinaskrif og miðlun upplýsinga varðandi starfsemi safnsins
Öflun og viðhald tengsla við fjölmiðla, ferðamálaiðnaðinn og menningar- og atvinnulíf
Samskipti við auglýsingastofur, hönnuði og prentsmiðjur
Áætlanagerð
Þátttaka í stefnumótun

Menntunar- og hæfniskröfur

Háskólamenntun (BA/BS) sem nýtist í starfi er skilyrði
Reynsla af upplýsingamiðlun á stafrænum miðlum er skilyrði
Áhugi á íslenskum menningararfi og fræðasviði Þjóðminjasafnsins er æskileg
Þekking á vefumsjónarkerfum og Mailchimp er æskileg
Þekking á myndvinnsluforritum og efnissköpun er æskileg
Geta greint tölulegar upplýsingar auk reynslu af textaskrifum og miðlun gagna
Mjög góð íslensku- og enskukunnátta í ræðu og riti
Reynsla af hönnun og framsetningu efnis fyrir vefmiðla er kostur
Framúrskarandi samskipta- og skipulagshæfni
Frumkvæði, nákvæmni, lausnamiðuð hugsun og hugkvæmni til að finna og nýta ný tækifæri

Fríðindi í starfi

Heilsustyrkur
Samgöngusamningur
Bættur vinnutími

Laun samkvæmt gildandi kjarasamningi sem fjármála- og efnahagsráðherra og Viska - stéttarfélag hafa gert.

Þjóðminjasafn Íslands er vísinda- og þjónustustofnun og höfuðsafn á sviði menningarminja og rannsókna á menningarsögulegum minjum í landinu. Hlutverk þess er að auka og miðla þekkingu á menningararfi íslensku þjóðarinnar. Þjóðminjasafn Íslands starfar á grundvelli safnalaga nr. 141/2011, lögum um Þjóðminjasafn Íslands nr. 140/2011 og lögum um menningarminjar nr. 80/2012.

Laun eru samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Starfið hentar öllum kynjum og áhugasöm eru hvött til að sækja um enda er við ráðningar í störf hjá safninu tekið mið af jafnréttisáætlun stofnunarinnar.

Umsókn skulu fylgja yfirlit og greinargóðar upplýsingar um störf umsækjenda og menntun ásamt kynningarbréfi þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið. Umsóknir á erlendum tungumálum, án kynningarbréfa eða án ferilskráa verða ekki teknar til greina. Einnig skal fylgja umsókn staðfesting á prófgráðum. Æskilegt er að viðkomandi hefji störf sem fyrst.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá því að umsóknarfrestur rennur út.

Starfshlutfall er 100%

Auglýsing birt1. apríl 2025

Umsóknarfrestur14. apríl 2025

Tungumálahæfni