Laus störf Hæfnileit Vinnustaðir Námskeið

Krabbameinsfélag Íslands

Krabbameinsfélagið vinnur að því að fækka þeim sem greinast með krabbamein, fjölga þeim sem lifa og bæta lífsgæði þeirra. Þessum markmiðum vinnur félagið að með öflugu forvarna- og fræðslustarfi, krabbameinsrannsóknum og vísindastarfi auk þess að veita krabbameinsgreindum og fjölskyldum þeirra ráðgjöf og stuðning hjúkrunarfræðinga, sálfræðings, læknis og félagsráðgjafa. Krabbameinum fylgja ótal áskoranir - félagið vinnur stöðugt að nýjum leiðum til að mæta þeim.

Vinnustaðurinn

Kynningarmál og miðlun

Langar þig að finna nýjar leiðir til að takast á við nýjar áskoranir?

Við hjá Krabbameinsfélaginu lýsum eftir hæfileikaríkum eldhuga til að stýra og vinna að kynningarmálum félagsins í öflugu teymi sérfræðinga við fræðslu, fjáröflun og miðlun af öllu tagi.

Starfið er mjög spennandi og fjölbreytt og hverfist í kringum markmið félagsins og aðildarfélaga þess, sem eru að fækka þeim sem fá krabbamein, draga úr dauðsföllum af völdum krabbameina og bæta lífsgæði þeirra sem fá sjúkdóminn og aðstandenda þeirra.

Umsóknir, ásamt náms- og starfsferilskrá, skal senda Höllu Þorvaldsdóttur, framkvæmdastjóra Krabbameinsfélagsins, á netfangið [email protected], í síðasta lagi 16. september nk. eða á alfred.is

Halla veitir einnig nánari upplýsingar.

Menntunar- og hæfniskröfur

Í starfinu eru gerðar ríkar kröfur um frumkvæði og sjálfstæði í starfi, góða samskiptafærni og vilja til að vinna í teymi.

Viðkomandi þarf að hafa reynslu af kynningarmálum, skrifum frétta, notkun samfélagsmiðla, samskiptum við fjölmiðla og kunna á algengan hugbúnað í tengslum við miðlun í víðu samhengi, þar með talið hljóð og mynd.

Gott vald á íslensku máli er alger nauðsyn og góð þekking á ensku og norðurlandamáli er æskileg.

Viðkomandi starfsmaður þarf að vera skipulagður, skapandi, sveigjanlegur og með mikinn faglegan metnað.

Helstu verkefni og ábyrgð

Kynningarmál félagsins

Miðlun fræðslu

Miðlun tengd fjáröflunarverkefnum

Auglýsing birt11. september 2020

Umsóknarfrestur16. september 2020

Tungumálahæfni

Engar sérstakar tungumálakröfur

Staðsetning

Skógarhlíð 8, 105 Reykjavík