Laus störf Hæfnileit Vinnustaðir Námskeið

Leikskólinn Krílakot

Leikskólinn Krílakot er í Dalvíkurbyggð. Hann tók til starfa í núverandi húsnæði í ágúst 2016 þegar leikskólarnir Krílakot og Kátakot voru sameinaðir.

Vinnustaðurinn

Krílakot: Deildarstjóri

Dalvíkurbyggð óskar eftir að ráða deildastjóra í 100% starf frá og með 2. febrúar 2026 á leikskólann Krílakot á Dalvík. Leikskólinn Krílakot er 5 deilda heilsueflandi leikskóli sem vinnur eftir aðferðum Uppeldi til ábyrgðar. Önnur verkefni eru Lubbi finnur málbein, Orðaleikur, Grænfáni, útikennsla stærðfræði.

Gildi Krílakots eru Gleði – Sköpun – Þor og má finna nánari kynningu á starfi Krílakots hér.

Helstu verkefni og ábyrgð

· Vinnur með og undir stjórn leikskólastjóra.

· Er hluti af stjórnunarteymi leikskólans.

· Ber ábyrgð á stjórnun og skipulagningu starfsins á deildinni.

· Sér um foreldrasamstarf á deildinni.

· Vinnur að uppeldi og menntun leikskólabarna samkvæmt starfslýsingu deildarstjóra.

Menntunar- og hæfniskröfur

· Leyfisbréf til að nota starfsheitið kennari eða önnur menntun sem nýtist í starfi.

· Starfsreynsla á leikskólastigi æskileg.

· Jákvæðni og sveigjanleiki í starfi.

· Góð færni í mannlegum samskiptum.

· Frumkvæði og sjálfstæði í vinnubrögðum.

· Áhugi um fræðslu barna og velferð þeirra.

· Stundvísi.

· Góð íslenskukunnátta á stigi C1 samkvæmt evrópska tungumálarammanum.

· Hreint sakavottorð.

Laun og starfskjör eru samkvæmt kjarasamningi Sambands ísl. sveitarfélaga og Kennarasambands Íslands vegna Félags leikskólakennara. Ef ekki fæst leikskólakennari til starfa verður ráðinn starfsmaður með aðra uppeldismenntun eða leiðbeinandi og er þá greitt samkvæmt viðkomandi kjarasamningi. Frekari upplýsingar um launakjör veitir [email protected]

Umsóknum skal fylgja greinargóð náms- og starfsferilsskrá auk staðfest afrit af prófskírteinum (ef við á), sem og kynningarbréf þar sem gerð er grein fyrir ástæðu umsóknar og rökstuðningur fyrir hæfni. Við hvetjum áhugasama til að sækja um óháð kyni og uppruna. Dalvíkurbyggð áskilur sér rétt að hafna öllum umsækjendum. Einungis er tekið á móti rafrænum umsóknum í gegnum Þjónustugátt á heimasíðu Dalvíkurbyggðar.

Frekari upplýsingar veitir: Ágústa Kristín Bjarnadóttir aðstoðarleikskólastjóri Krílakots í síma 460-4950 eða á netfangið [email protected]

Auglýsing birt9. janúar 2026

Umsóknarfrestur25. janúar 2026

Tungumálahæfni