Kraftmikill kerfisstjóri
Viltu stýra stærstu dreifiveitu landsins? Við leitum að kraftmiklum stjórnanda til að leiða deild kerfisstjórnar hjá RARIK. Tengdu þig við okkur og taktu þátt í að byggja upp trausta undirstöðu þriðju orkuskiptanna.
Deildarstjóri kerfisstjórnar hefur yfirumsjón með vöktun og kerfisstjórnun dreifikerfa okkar sem og rekstri stjórn- og varnabúnaðar þeirra. Hann er ábyrgur fyrir áætlanagerð og kostnaðareftirfylgni og ber stjórnunarlega ábyrgð á starfsfólki deildarinnar, m.a. með því að sjá um vaktaplan og mönnun stjórnstöðvar. Við leitum að manneskju sem getur mótað og fylgt metnaðarfullri stefnu og markmiðum fyrirtækisins, tryggt gott flæði verkefna og skýra ábyrgðaskiptingu.
Viðeigandi menntun á rafmagnssviði sem samræmist kröfum til A-löggildingar rafvirkjunarstarfa, s.s. meistarabréf í rafvirkjun, rafið-, rafmagnstækni- eða rafmagnsverkfræði er skilyrði en einnig leitum við eftir framhaldsmenntun sem nýtist í starfi. Rétta manneskjan í starfið er vanur stjórnandi með þekkingu og reynslu af rekstri raforkuvirkja. Mikilvægt er að búa yfir góðum hæfileikum þegar kemur að mannlegum samskiptum og skipulögðum og sjálfstæðum vinnubrögðum.
Íslenska
