Kona sem kann prjón eða hekl óskast á kvöld og helgarvaktir

Kona sem kann að prjóna eða hekla óskast á kvöld og helgarvaktir

35 ára kona í Vesturbæ Reykjavíkur óskar eftir aðstoðarkonu í hlutastarf á kvöld og helgarvaktir.

Æskilegt er að viðkomandi sé 35 ára eða eldri. Eldri konur sérstaklega velkomnar.

Konan er á einhverfurófi og felst starfið í aðstoða við daglegar athafnir og veita henni félagsskap.

Helstu áhugamál hennar eru prjónaskapur, ýmis önnur handavinna, föndur og söngur. Gott er að aðstoðarkonan hafi einnig áhuga á handavinnu.

Athugið að á heimilinu er lítill hundur sem er að byrja í hvolpaþjálfun.

Starfið byggir á hugmyndafræðinni um sjálfstætt líf og eru laun samkvæmt sérkjarasamningum NPA miðstöðvarinnar við Eflingu og Starfsgreinasambandið.

Þær vaktir sem eru í boði

Á virkum dögum :

• Annar hver þriðjudagur 17:45-22:45
• Eða öll miðvikudagskvöld 18-23
• Eða öll fimmtudagskvöld 18-23

Og svo líka fjórðu hverja helgi :

• Föstudag og laugardag 18-23 og sunnudag 20:30-23:30
• Eða laugardag 12-16
• Eða sunnudag 12-16

• Einnig möguleika á ýmsum aukavöktum.

Hæfniskröfur:

• Þolinmæði.
• Frumkvæði.
• Góð samskiptahæfni.
• Að vera hvetjandi og skapandi.
• Reynsla af starfi með fötluðu fólki er kostur en ekki skilyrði.
• Íslenskukunnátta er skilyrði.
• Bílpróf og aðgengi að bíl er skilyrði.

Starfið hentar mjög vel með skóla eða annarri vinnu.