Kerfisstýri / System Administrator

Ertu lausnamiðaður einstaklingur með brennandi áhuga á nýjustu tæknilausnum og öfluga reynslu af stjórnun upplýsingakerfa? Þá er hér spennandi tækifæri fyrir þig!

Travel Connect leitar að metnaðarfullum liðsfélaga til starfa í upplýsingatækniteymi félagsins. Starfið býður upp á spennandi áskoranir í síbreytilegu tækniumhverfi. Sem hluti af teyminu okkar tekur þú þátt í að þróa og stjórna helstu kerfum fyrirtækisins ásamt því að taka þátt í mótun á upplýsingatækniumhverfi félagsins.

Starfsfólk teymisins er staðsett í Reykjavík en sinna einnig skrifstofum félagsins erlendis í fjarþjónustu.

Helstu verkefni og ábyrgð

• Ábyrgð á þróun og stjórnun Microsoft skýjalausna, m.a. Microsoft Azure (uppsetning og rekstur sýndarvéla, diskalausna, öryggisþátta, veflausna o.fl.), Microsoft 365 (Exchange Online, SharePoint, OneDrive, Teams, o.fl..).
• Mótun og innleiðing á Intune, Group Policies og Conditional Access Policies.
• Þátttaka í stærri innleiðingar- og þróunarverkefnum bæði á sviði skýjalausna og Microsoft lausna.
• Þróun og uppsetning á lausnum sem auka skilvirkni, öryggi og rekstrargetu.
• Þátttaka í stefnumótun og skipulagningu á framtíðarlausnum tengdnum upplýsingatækniumhverfi fyrirtækisins, með áherslu á skýjalausnir og sjálfvirkni.
• Umsjón og viðhald á afritunarlausnum fyrir Azure skýjalausnir, þar með talið að skilgreina, framfylgja og fylgjast með afritunarstefnum til að tryggja öryggi gagna og endurheimtanleika.
• Innleiðingar og uppsetningar upplýsingatæknikerfa fyrirtækisins.
• Þátttaka í skjölun, afritunarkerfum og innleiðingu nýrra upplýsingakerfa.
• Dagleg umsýsla og rekstur á Active Directory.

Hæfni og reynsla

• 3+ ára reynsla af verkefnavinnu og innleiðingu lausna tengdum Microsoft 365 og Azure.
• Þekking og reynsla af Windows Server og Active Directory lausnum.
• Reynsla af Intune og afritunarlausnum með áherslu á innleiðingu og þróun.
• Reynsla af PowerShell scripting er kostur.
• Microsoft vottun er kostur.
• Kerfisstjórnunarnám er kostur.
• Framúrskarandi samskiptahæfni.
• Þjónustulund og jákvæðni.
• Sjálfstæð og lausnamiðuð vinnubrögð.
• Frumkvæði og skipulagshæfni.
• Geta og áhugi á að læra nýja tækni hratt og aðlagast breytilegum aðstæðum.

Um er að ræða fullt starf með vinnutíma á virkum dögum á hefðbundnum skrifstofutíma og er viðveran 7 tímar á dag. Vegna eðli starfseminnar geta tilkomið einstaka verkefni utan venjulegs vinnutíma.

Helstu fríðindi:

• Styttri vinnuvika
• Jafnvægi milli vinnu og einkalífs
• Frír hádegismatur
• Sveigjanleiki
• Hvíldarherbergi með nuddstól
• Virkar heilsu- og skemmtinefndir